December 2, 2017 
தண்டோரா குழு
மும்பை விமானநிலையத்திலிருந்து புறப்பட ஏர் இந்தியா விமானம் தாமதம் ஆனதால், பயணிகள் விமான ஊழியர்களுடன் கடும் வாக்குவாதத்தில் ஈடுப்பட்டனர்.
மும்பையில் உள்ள சத்ரபதி சிவாஜி சர்வதேச விமானநிலையத்திலிருந்து, அகமதாபாத் விமானநிலையத்திற்கு, 200 பயணிகளுடன் வெள்ளிக்கிழமை இரவு சுமார் ௦1:35 AI 031 என்ற விமானம் புறப்படுவதாக இருந்தது.
எதிர்பாரதவிதமாக, விமானத்தை இயக்க விமான ஓட்டுனர் யாரும் இல்லை என்பதால், விமானம் புறப்பட ஒருமணி நேரம் தாமதம் ஆனது. அதன் பிறகும், விமானத்தை இயக்க யாரும் இல்லை என்ற நிலை ஏற்பட்டது.
இதனால் கோபம் அடைந்த பயணிகள், விமான ஊழியர்களிடம் வாக்குவாதத்தில் ஈடுப்பட்டனர். இதையடுத்து, விமானநிலையத்தில் உள்ள போர்டிங் பகுதியிலேயே, பயணிகள் இரவு நேரத்தை கழிக்க வேண்டிய நிலைக்கு ஆளானார்கள்.
“Flight Duty Time Limitation(FDTL) காரணமாகதான், விமானம் புறப்பட தாமதம் ஆனது. சுமார் 7 மணிநேரம் தாமதமாக, சனிக்கிழமை காலை 08:20 மணிக்கு விமானம் புறப்பட்டது” என்று ஏர் இந்திய நிறுவனத்தின் செய்திதொடர்பாளர் கூறியுள்ளார்.
விமான ஓட்டுனர்கள் மற்றும் விமான ஊழியர்களின் பணி நேரங்களை Directorate General of Civil Aviationஅமைக்கிறது. இதனால், அந்த பணி நேரத்தை மீறி, விமான ஓட்டுனர்கள் மற்றும் ஊழியர்கள் பணிபுரிய அனுமதி இல்லை என்பது குறிப்பிடத்தக்கது.
கோவையில் உலக புற்றுநோய் தினம்: பி.எஸ்.ஜி. மருத்துவமனையில் ‘ஒற்றுமையின் மரம்’ நட்டு விழிப்புணர்வு!
ஸ்கோடா கைலாக் 50,000 கார்கள் விற்பனை செய்து மைல்கல்லை கொண்டாடி ஓராண்டு சாதனை பதிவு செய்தது
ஶ்ரீ ராமகிருஷ்ணா மருத்துவமனை சார்பில் சமூக வலைத்தளம் மூலம் புற்றுநோய் விழிப்புணர்வு இயக்கம் மற்றும் இலவச புரோஸ்டேட் புற்றுநோய் பரிசோதனை துவக்கம்
லெஜண்ட்ஸ் லீக் கிரிக்கெட் போட்டி: கோவை உள்ளிட்ட 6 நகரங்களில் மார்ச் மாதம் துவக்கம்
இந்திய மாணவர் இஸ்லாமிய அமைப்பு சார்பில் மாணவர்கள் தேர்தல் அறிக்கை (தமிழ்நாடு சட்டப்பேரவை தேர்தல் -2026) வெளியீடு
கோவை ஜெம் மருத்துவமனை சார்பில் செயற்கை நுண்ணறிவு (AI) விழிப்புணர்வு தளம் “டாக்டர் ஜெம்” அறிமுகம்
For English News
