December 18, 2025 
தண்டோரா குழு
இந்திய வாகனச் சந்தையில் தனது ஆதிக்கத்தை மீண்டும் நிலைநாட்டும் வகையில், நிசான் நிறுவனம் தனது புதிய 7-இருக்கைகள் கொண்ட பி-எம்பிவி பிரிவில் ‘கிராவிட்’ என்ற பெயரில் புதிய காரை அடுத்த ஆண்டு துவக்கத்தில் அறிமுகம் செய்யவுள்ளது.
இன்றைய கால இந்தியக் குடும்பங்களின் தேவைகளை முழுமையாக ஆய்வு செய்து இந்த கார் உருவாக்கப்பட்டுள்ளது. அதிக இடவசதி, மாற்றியமைக்கக்கூடிய இருக்கை வசதிகள் மற்றும் குறைந்த விலை என நடுத்தர குடும்பங்களுக்கு ஏற்ற ஒரு முழுமையான காராக இது இருக்கும் என இந்நிறுவனம் தெரிவித்துள்ளது.நிசான் மோட்டார் இந்தியா நிறுவனம் கடந்த 2024 ஜூலை மாதமே தனது எதிர்காலத் திட்டங்களை வெளியிட்டிருந்தது.
அந்தப் பட்டியலில் இடம்பெற்றுள்ள முக்கிய மாடல்கள் பின்வருமாறு: 7 இருக்கைகள் கொண்ட கிராவிட் கார் 2026-ஆம் ஆண்டின் தொடக்கத்தில் அறிமுகம்; டெக்டன் அடுத்த ஆண்டின் மத்தியில் அறிமுகம்; 7 இருக்கை கொண்ட சி-எஸ்யூவி 2027-ம் ஆண்டின் துவக்கத்தில் அறிமுகம் என கூறியிருந்தது. இந்திய வாடிக்கையாளர்களுக்குப் புத்தம் புதிய மற்றும் நவீன ரகக் கார்களைத் தொடர்ந்து வழங்க நிசான் நிறுவனம் திட்டமிட்டுள்ளது. இந்த கிராவிட் அறிமுகம், அந்நிறுவனத்தின் வளர்ச்சிப் பாதையில் ஒரு முக்கிய மைல்கல்லாகக் கருதப்படுகிறது.
“கிராவிட்” என்ற இந்தப் பெயர் ‘கிராவிட்டி’ என்ற சொல்லில் இருந்து ஈர்க்கப்பட்டது. இது ஒரு வாகனத்தின் சமநிலை, நிலையான தன்மை மற்றும் அனைவரையும் கவரும் ஆற்றலைக் குறிக்கிறது. குடும்பங்களுக்குத் தேவையான வசதி, பன்முகப் பயன்பாடு மற்றும் நவீன தொழில்நுட்பத் தொடர்பு ஆகியவற்றை உறுதி செய்யும் நிசானின் உயரிய நோக்கத்தை இந்தப் பெயர் பிரதிபலிக்கிறது.
புதிய கிராவிட் கார், ஒரு குடும்பத்தின் பயண அனுபவத்தையே மாற்றப்போகிறது. இதன் உட்புறம் மிகவும் விசாலமாகவும், பொருட்களை வைப்பதற்கான இடவசதி இதில் மிகச் சிறந்த முறையிலும் வடிவமைக்கப்பட்டுள்ளது.ஒவ்வொரு அம்சமும் மக்களின் தேவைக்கேற்ப மிக நுணுக்கமாக உருவாக்கப்பட்டுள்ளது. இதில் உள்ள ‘அல்ட்ரா-மாடுலர்’ இருக்கைகளை, பயணிகளின் எண்ணிக்கை அல்லது லக்கேஜ் அளவிற்கு ஏற்ப மிக எளிதாக மாற்றி அமைத்துக் கொள்ளலாம். இதனால் தினசரி அலுவலகப் பயணமாக இருந்தாலும் சரி, குடும்பத்தோடு செல்லும் நீண்ட தூரச் சுற்றுலாவாக இருந்தாலும் சரி, பயணம் மிகவும் இனிமையாக இருக்கும்.அடுத்த ஆண்டின் தொடக்கத்தில் அறிமுகமாகவுள்ள இந்த புதிய கிராவிட் கார், முழுமையாகச் சென்னையில் உள்ள தொழிற்சாலையில் தயாரிக்கப்பட உள்ளது.
இது இந்திய வாடிக்கையாளர்களின் மாறிவரும் தேவைகளுக்கு முன்னுரிமை அளிக்கும் நிசான் நிறுவனத்தின் உறுதியைக் காட்டுகிறது.
நிசான் நிறுவனத்தின் சர்வதேசத் தலைவர் மாசிமிலியானோ மெசினா இது குறித்து கூறுகையில்,
சர்வதேசத் தரத்துடன், அதே சமயம் இந்திய வாடிக்கையாளர்களின் தேவைகளை உணர்ந்து எங்களது அடுத்தடுத்த புதிய கார்கள் தயாரிக்கப்பட்டு உள்ளன. இந்தியாவிலேயே வடிவமைக்கப்பட்டுத் தயாரிக்கப்படும் இந்த புதிய மாடல்கள், இங்கிருந்து மற்ற நாடுகளுக்கும் ஏற்றுமதி செய்யப்படுகின்றன. இப்போது கிராவிட் காரின் அறிமுகம், எங்களது வேகமான வளர்ச்சியைக் காட்டுவதுடன், இந்திய சந்தையின் மீதான எங்களது நம்பிக்கையை மேலும் அதிகரித்துள்ளது என்று தெரிவித்தார்.
7 இருக்கைகள் கொண்ட புதிய கார் ‘கிராவிட்’: இந்தியாவில் நிசான் விரைவில் அறிமுகம்
நாயன்மார்கள் வழியில் மக்களை ஆன்மீக நெறிக்கு அழைக்கும் ஆதியோகி ரதங்கள் ஆதியோகி ரத யாத்திரையை தொடங்கி வைத்து பேரூர் ஆதீனம் அருளுரை
ஐசிசி மகளிர் உலகக் கோப்பையை வென்ற இந்திய அணிக்கு டாடா குழுமம் பாராட்டு, கார் பரிசு
கோவையில் இளம் படைப்பாளிகள் 5 பேருக்கு விஷ்ணுபுரம்-ரமேஷ் பிரேதன் நினைவு விருது வழங்கப்படுகிறது
செயற்கை நுண்ணறிவு – இயந்திர கற்றல் மூலம் இந்தியாவின் மின் வினியோகத் துறையை மேம்படுத்தும் அப்ராவா எனர்ஜி நிறுவனத்திற்கு மத்திய அரசு விருது
வெறும் ரூ.14,990 முதல்! ஸ்மார்ட்ஃபோன்கள் முதல் ஸ்மார்ட் டிவிகள் வரை க்ரோமாவின் ‘க்ரோம்டாஸ்டிக் டிசம்பர்’ சலுகைகள் அறிவிப்பு
For English News
