December 8, 2018 
தண்டோரா குழு
ஸ்டெர்லைட் ஆலை மூடப்பட்ட விவகாரத்தில் தமிழக அரசின் நிலை எப்போதும் மாறாது என உள்ளாட்சி துறை அமைச்சர் எஸ்.பி.வேலுமணி தெரிவித்துள்ளார்.
கோவை பி.கே.புதூர் பகுதியில் 2.95 கோடி மதிப்பில் குனியமுத்தூர் இடையர்பாளையம் முதல் கோவைப்புதூர் வரையிலான நான்கு வழித்தடத்தை, பல்வழித்தடமாக மேம்படுத்துவதற்கான பூமிபூஜையை உள்ளாட்சி துறை அமைச்சர் எஸ்.பி.வேலுமணி துவக்கி வைத்தார்.
நிகழ்ச்சியில் பேசிய அவர், கோவையில் பல்வேறு சாலை விரிவாக்கத்தினால் விபத்துகள் 80 சதவீதம் வரை குறைந்துள்ளது. தமிழகத்தில் எந்த தொகுதியிலும் இல்லாத வகையில் தொண்டாமுத்தூர் தொகுதியில் சாலை, பால வேலைகள் நடந்து வருகிறது. இத்தொகுதியில் இரண்டு நாளுக்கு ஒருமுறை குடிநீர் வழங்கும் வகையில் பணிகள் நடந்து வருகிறது. இத்தொகுதியில் கட்சி, சாதி வேறுபாடு இன்றி சகோதத்துவத்துடன் பழகி வருகிறேன் என பேசினார்.
பின்னர் செய்தியாளர்களுக்கு பேட்டியளித்த எஸ்.பி.வேலுமணி,
ஸ்டெர்லைட் ஆலை மூடப்பட்ட விவகாரத்தில் தமிழக அரசின் நிலை எப்போதும் மாறாது. அந்த ஆலையை திறக்க முயற்சி என்ற மதிமுக பொதுச்செயலாளர் வைகோவின் குற்றச்சாட்டு அர்த்தமற்றது. சமூக வலைதளங்களில் சாதி ரீதியிலான கருத்துகள் பரப்படுவது குறித்த கேள்விக்கு, இது ஆரேக்கியமாக இருக்காது எனவும், இதற்கு முற்றுப்புள்ளி வைக்க வேண்டுமெனவும் தமிழகத்தை பொறுத்தவரை எந்த வித சாதிய வேறுபாடு இன்றி இருந்து வருகிறோம் என்றும் கூறினார்.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
