December 30, 2016 
தண்டோரா குழு
தமிழக முன்னாள் தலைமைச் செயலர் ராமமோகன ராவின் மகன் விவேக், வருமானவரித் துறை அலுவலகத்தில் விசாரணைக்காக நேரில் வெள்ளிக் கிழமை ஆஜராகியுள்ளார்.
தமிழக அரசின் தலைமைச் செயலாராக இருந்த ராமமோகன ராவ் மற்றும் அவரது மகன் விவேக் வீடுகள், அலுவலகங்களில் கடந்த சில நாட்களுக்கு முன்பு வருமானவரித் துறையினர் சோதனை நடத்தினர்.
அதைப் போல், சென்னை நந்தனம் பகுதியில் விவேக் நடத்தி வரும் நிறுவனத்திலும் வருமானவரித் துறையினர் சோதனை நடத்தினர். அங்கு பல கோடி ரூபாய் மதிப்பிலான ஆவணங்கள் கைப்பற்றப்பட்டதாகக் கூறப்படுகிறது. இதையடுத்து, விவேக்கிடம் தொடர்ந்து விசாரணை நடத்துவதற்காக, சென்னை நுங்கம்பாக்கத்தில் உள்ள வருமானவரித் துறை அலுவலகத்திற்கு வருவதற்காக வருமானவரி புலனாய்வுத் துறையினர் விவேக்கிற்கு சம்மன் அனுப்பினர்.
ஆனால், குடும்பப் பிரச்சினை காரணமாக ஆஜராக முடியவில்லை என விவேக் வருமான வரித்துறையினரிடம் தொடர்ந்து கூறிவந்தார்.இந்நிலையில், வெள்ளியன்று நுங்கம்பாக்கத்தில் உள்ள வருமானவரித் துறை அலுவலகத்தில் விவேக் விசாரணைக்காக ஆஜரானர்.
For English News
