March 1, 2017 
தண்டோரா குழு
தமிழகம் முழுவதும் பல்வேறு இடங்களில் நடத்தப்படும் ரூபெல்லா தடுப்பூசி முகாம் புதன்கிழமை முதல் 14 நாட்களுக்கு நீட்டிக்கப்பட்டுள்ளது என்று தமிழக மக்கள் நல்வாழ்வுத் துறை தெரிவித்துள்ளது.
தட்டம்மை போன்ற நோய்களை முழுமையாகத் தடுக்கும் நோக்கத்தில் இந்த தடுப்பூசி போடப்பட்டு வருகிறது. 9 மாதம் முடிந்த குழந்தை முதல் 15 வயது வரையிலான இளைஞர் வரையில் இத்தடுப்பூசியைப் போட்டுக் கொள்ளலாம்.
இதனிடையில் தமிழகத்தில் உள்ள பள்ளிக் குழந்தைகளுக்கு ருபெல்லா தடுப்பூசி கட்டாயம் செலுத்த வேண்டும் என்று தமிழக மக்கள்நல்வாழ்வுத் துறை அமைச்சர் விஜயபாஸ்கர் கேட்டுக் கொண்டுள்ளார்.
சென்னையில் செய்தியாளர்களிடம் புதன்கிழமை பேசிய அமைச்சர் விஜயபாஸ்கர் கூறுகையில்,
“ரூபெல்லா தடுப்பூசியைப் போடுவதால் குழந்தைகளுக்குப் பக்க விளைவோ, பாதிப்போ ஏற்படாது. இந்த தடுப்பூசி மிகவும் பாதுகாப்பானது. ரூபெல்லா தடுப்பூசி பற்றி சமூக வலைதளங்களில் உலா வரும் தவறான தகவல்களை யாரும் நம்பவேண்டாம். ரூ.1,000 மதிப்புள்ள இந்த தடுப்பூசி பள்ளிக் குழந்தைகளுக்கு எவ்வித கட்டணமும் இன்றி இலவசமாக போடப்படுகிறது. பள்ளிக் குழந்தைகளுக்கு ருபெல்லா ஊசி போடுவதற்கு பெற்றோர் அனுமதி கடிதம் தேவையில்லை” என்றார்.
தட்டம்மை போன்ற நோய்களை முழுமையாகத் தடுக்கும் நோக்கில் 9 மாதம் நிறைவு பெற்ற குழந்தைகள் முதல் 15 வயது வரை உள்ள சிறுவர், சிறுமியர் அனைவருக்கும் ரூபெல்லா தடுப்பூசி போடுவதற்கான முகாம் கடந்த சில தினங்களாக தமிழகத்தில் நடைபெற்று வருகிறது.இந்த முகாம் புதன்கிழமை முதல் மேலும் 14 நாட்களுக்கு நீட்டிக்கப்பட்டுள்ளது என தமிழ்நாடு சுகாதாரத்துறை அமைச்சகம் தெரிவித்துள்ளது.
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
எஸ்எஸ்விஎம் கல்விக் குழுமம் – “இன்ஸ்பிரேஷனல் குரு அவார்ட்ஸ் 2025” வெற்றியாளர்கள் அறிவிப்பு !
எஸ்எஸ்விஎம் நிறுவனங்கள் “ஸ்டுடன்ட்பிரனூர் அவார்ட்ஸ் 2025” வெற்றியாளர்களுக்கு பரிசு வழங்கப்பட்டன !
கோவை தொழில்முனைவோர் உருவாக்கிய சமூக வலைத்தளம் – பிரதமர் மோடி இணைய அழைப்பு!
என்எஃப்எஸ்யு-வின் நம்பிக்கையைப் பெற்ற ஆம்வேயின் நியூட்ரிலைட் பாதுகாப்பான ஊட்டச்சத்தை வழங்குவதில் ஒரு முக்கிய கட்டம்
“STOP DRUG ABUSE”– கண்ணை கவர்ந்த மாணவிகளின் உலகச் சாதனை முயற்சி!
For English News
