April 21, 2016 
தண்டோரா குழு
ரஜினி குறித்து ராம்கோபால் வர்மா கூறியிருக்கும் கருத்துக்களுக்கு ரஜினி ரசிகர்கள் பலர் கடும் கண்டனம் தெரிவித்திருக்கிறார்கள்.
இயக்குநர் ஷங்கர் இயக்கத்தில் ரஜினி நடித்துவரும் எந்திரன் ‘2.0’ படத்தில் தற்போது நடித்து வருகிறார் ரஜினிகாந்த். டெல்லியில் படப்பிடிப்பு நடைபெற்று வருகிறது. இப்படத்தில் ரஜினியுடன் ஏமி ஜாக்சனும் நடித்து வருகிறார். எமிஜாக்சன் ரஜினியுடன் ஒரு செல்ஃபி எடுத்து தனது சமூக வலைத்தளத்தில் பதிந்தார்.
இந்த நிலையில் அப்புகைப்படத்தை வைத்துக் கொண்டு முன்னணி இயக்குநர் ராம் கோபால் வர்மா தனது டிவிட்டர் பக்கத்தில் ஒரு கருத்தை தெரிவித்தார்.
அதில் மிகப்பெரிய நட்சத்திரமாக இருக்கும் இந்த மனிதர், நட்சத்திர அந்தஸ்துக்கு அழகு முக்கியம் என்ற எண்ணத்தையே தூள் தூளாக்குகிறார் என்றும் பார்க்க நன்றாக இருப்பவர் அல்ல, சிக்ஸ் பேக்ஸ்சும் கிடையாது, சரியான உடலமைப்பும் கிடையாது, மொத்தம் இரண்டரை நடன அசைவுகள் தான் தெரியும் என்று குறிப்பிட்டுள்ளார்.
மேலும், உலகில் வேறெங்கும் இப்படியிருக்கும் ஒருவர் சூப்பர் ஸ்டார் ஆக முடியாது. இவர் கடவுளுக்கு என்ன செய்தார் கடவுள் இவருக்கு இப்படி ஒரு வாழ்க்கையைத் தந்துள்ளார் என்பது தெரியவில்லை. ரசிகர்களுக்குத் திரைப்படத்தில் என்ன பிடிக்கும் என்பதை ஒருவரும் கணிக்க முடியாது என்பதற்கு ரஜினி சார் தான் ஆகச்சிறந்த உதாரணம் என்று பதிவு செய்திருந்தார்.
இந்த நிலையில் எங்களுக்கு அழகு முக்கியமில்லை அவரது நடிப்பும் ஸ்டைலும் தான் எங்களுக்கு முக்கியம் அதனால் அவரை நாங்கள் சூப்பர் ஸ்டாராக ஏற்றுக்கொண்டுள்ளோம் என ரஜினி ரசிகர்கள் ராம்கோபால் வர்மாவிற்கு ரீடுவிட் மூலம் பதிலடி கொடுத்து வருகிறார்கள்.
கோவையில் மத்திய அரசை கண்டித்து தொழிற்சங்க கூட்டமைப்பு சார்பில் கண்டன ஆர்ப்பாட்டம்
தண்ணீர் கிடைக்காமல் 7 ஆண்டுகளாக தவிக்கும் கோவை எம்.ஜி.ஆர்.நகர் மக்கள் – ஆட்சியரிடம் மனு
ஈஷா லிங்க பைரவியில் ‘பூதசுத்தி விவாஹா’ முறையில் நடைபெற்ற சமந்தா பிரபு, ராஜ் நிடிமொருவின் திருமணம்
கோவை மாநகரில் உள்ள அனைத்து திருச்சபைகள் இணைந்து நடத்திய பல்சமய கிறிஸ்மஸ் இன்னிசை விழா
அரேபியன் வகை உணவுகளான மெல்பான் டெஸ்ஸர்ட் இனிப்பு விற்பனையகம் கோவை போத்தனூரில் துவக்கம்
கோவையின் மையப்பகுதியில் ₹750 கோடி மதிப்பில் அதிநவீன வசதிகளுடன் கூடிய உயர்தர வாழ்க்கைக்கான பிரத்தியேக மனை திட்டம் ’ஜி ஸ்கொயர் தி ரெசிடென்சி’ ஜி ஸ்கொயர் அறிமுகம்
For English News
