January 16, 2017 
தண்டோரா குழு
இந்தியாவில் மோசமான வானிலை காரணமாக 2௦16 ம் ஆண்டு 1600க்கும் மேற்பட்டோர் மரணம் அடைந்தனர் என்று இந்திய வானிலை ஆய்வு மையம் தெரிவித்தது.
அந்த மையம் திங்கட்கிழமை வெளியிட்டுள்ள அறிக்கை கூறப்பட்டுள்ளதாவது:
2௦16 ம் ஆண்டு கடுமையான வானிலை நிலவியது. இதில் 1600-க்கும் மேற்பட்டோர் மரணம் அடைந்தனர். கடும் வெயிலுக்கு 700 பேர் உயிரிழந்தனர். இது மோசமான வானிலையில் உயிரிழந்தோரில் 40 சதவீதம் ஆகும்.
தெலங்கானா, ஆந்திரப் பிரதேசம் ஆகிய மாநிலங்களில் மட்டும் 400 பேர் இறந்துவிட்டனர். மற்றவர்கள் வெள்ளம் மற்றும் மின்னல் காரணமாக பலியாயினர்.
உலகம் முழுவதும் முந்தைய ஆண்டுகளில் இல்லாத அளவுக்கு கடந்த ஆண்டு வெப்பம் அதிகமாக இருந்தது. இந்தியாவில் ராஜஸ்தான் மாநிலத்தில் உள்ள பெலாடி என்ற இடத்தில் அதிகபட்சமாக 51 டிகிரி செல்சியஸ் வெப்பம் பதிவானது. இதற்கு முன்னர் இந்தியாவில் இந்த அளவுக்கு வெப்பம் இல்லை.
கடும் வானிலையால் மரணம் அடைந்தவர்களில் 35 சதவீதம் பேர் பிகார், குஜராத், மகாராஷ்டிர மாநிலங்களைச் சேர்ந்தவர்கள். இந்த 3 மாநிலங்களில் மட்டும் 552 பேர் மரணம் அடைந்துவிட்டனர்.
கடும் குளிரின் தாக்கத்தால் நாடு முழுவதும் 53 பேர் இறந்துவிட்டனர். இடி, மின்னல் தாக்கி பிகார், ஒடிசா, மத்தியப் பிரதேசம், உத்தரப் பிரதேசம் ஆகிய மாநிலங்களில் 415 பேர் இறந்துவிட்டனர். இடிமின்னல் தாக்கத்தால் ஒடிசாவில் மட்டும் 132 பேர் உயிரிழந்தனர்.
இந்தியாவில் பருவமழை இரண்டு முறை பொய்த்தது. ஆனால், கடந்த முறை பருவமழை இயல்பாக இருந்தது. எனினும், பல இடங்களில் கடும் மழையால் வெள்ளம் ஏற்பட்டது. வெள்ளத்தால் 475 பேர் பலியாகிவிட்டனர். தமிழகத்தில் வார்தா புயலால் 18 பேர் இறந்துவிட்டனர்.இவ்வாறு இந்திய வானிலை ஆய்வு மையம் அறிக்கையில் தெரிவித்துள்ளது.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
