December 12, 2020 
தண்டோரா குழு
கோவை – மேட்டுப்பாளையம் சாலையிலுள்ள எம்.ஜி.ஆர். காய்கறி மார்க்கெட்டில் மாநகராட்சி கமிஷனர் குமாரவேல் பாண்டியன் ஆய்வு செய்தார்.அப்போது அப்பகுதியில் காய்கறி ஏற்றிசெல்ல வரும் வாகனங்களின் விவரம், வாகனங்கள் உள்ளே வரும் நேரம் மற்றும் வெளியே செல்லும் நேரங்கள் ஆகியவற்றை அவர் கேட்டறிந்தார். பின்னர், குறிப்பிட்ட நேரங்களுக்கு மேல் வாகனங்களை உள்ளே நிறுத்தக்கூடாது, மார்க்கெட்டை தூய்மையாக வைத்துக்கொள்ள வேண்டும், காய்கறிக் கழிவுகளை கண்ட இடங்களில் கொட்டக் கூடாது என மாநகராட்சி கமிஷனர் வியாபாரிகளிடம் தெரிவித்தார்.
கொரோனா பரவல் தடுப்பு நடவடிக்கைகளின் ஒரு பகுதியாக மேட்டுப்பாளையம் சாலை புதிய பேருந்து நிலையத்தில் தற்காலிகமாக காய்கறி மார்க்கெட் செயல்பட்டு வருகிறது. இதனால் பேருந்துகள் வெளியே நின்று செல்வதால் மக்கள் அவதியடைந்து வருகின்றனர். இதனிடையே பேருந்து நிலையத்தில் ஆய்வு மேற்கொண்ட மாநகராட்சி கமிஷனர் பேருந்து நிலையத்திற்குள் இயங்கி வந்த வெங்காய மார்க்கெட்டை, எம்.ஜி.ஆர். மார்க்கெட்டை ஒட்டியுள்ள வடக்கு பகுதியிலுள்ள காலி மைதானத்தில் செயல்படுத்தப்படும் என தெரிவித்தார்.
இந்த ஆய்வின்போது மேற்கு மண்டல உதவி கமிஷனர் செந்தில் அரசன், செயற்பொறியாளர் (ஸ்மார்ட் சிட்டி திட்டம்) சரவணக்குமார் மற்றும் பலர் உடனிருந்தனர்
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
