January 14, 2020 
கோவை மாவட்டம் மேட்டுபாளையம் நடூரில் சுவர் இடிந்து விழுந்து 17 பேர் உயிரிழந்த விவகாரத்தில் பாதிக்கப்பட்ட மக்களுக்கு, தமிழக அரசு கொடுத்த வாக்குறுதிகளைக் உடனடியாக நிறைவேற்ற வில்லை எனில் மீண்டும் நடூர் பகுதிக்கு சென்று மக்களை திரட்டி போராட்டம் நடத்துவோம் என தமிழ்புலிகள் அமைப்பின் தலைவர் நாகைதிருவள்ளுவன் தெரிவித்தார்.
கோவை மாவட்டம் மேட்டுப்பாளையத்தில் கடத்த டிசம்பர் 2 ம் தேதி சுவர் இடிந்து 17 பேர் உயிரிழந்தனர். இந்த விவகாரத்தில் போராட்டம் செய்ததற்காக தமிழ்புலிகள் அமைப்பின் தலைவர் நாகை திருவள்ளுவன் கைது செய்யப்பட்டு சிறையில் அடைக்கப்பட்டார்.நாகை திருவள்ளுவன் கைதிற்கு எதிராக பல இடங்களில் பேருந்துகள் தாக்கப்பட்டது. அந்த வழக்குகளிலும் நாகை திருவள்ளுவன் சேர்க்கப்பட்டார்.இந்நிலையில் 43 நாட்கள் சிறை வாசத்திற்குப் பின்னர் இன்று காலை நாகை திருவள்ளுவன் ஜாமீனில் விடுதலை செய்யப்பட்டார்.
கோவை மத்திய சிறை வாசலில் தந்தை பெரியார் திராவிடர் கழக பொதுச்செயலாளர் ராமகிருஷ்ணன், மே 17 இயக்க ஒருங்கிணைப்பாளர் திருமுருகன் காந்தி மற்றும் தமிழ் புலிகள் கட்சியினர் நாகை திருவள்ளுவனுக்கு மேளதாளங்கள் முழங்க உற்சாக வரவேற்பு அளித்தனர்.
பின்னர் செய்தியாளர்களுக்கு பேட்டியளித்த நாகை திருவள்ளூவன்,
கடந்த டிசம்பர் 2 ஆம் தேதி மேட்டுபாளையத்தில் சுவர் இடிந்து விழுந்து 17 பேர் உயிரிழந்த சம்பவத்தை காவல்துறை ஒரு விபத்து போல சித்தரித்தது எனவும்,
ஆனால் தீண்டாமை சுவரால்தான் அந்த விபத்து ஏற்பட்டது எனவும் தெரிவித்தார்.ஒடுக்கப்பட்ட மக்களுக்காக போராடும் எங்களைக் போன்றவர்கள் மீது மாநில அரசு பொய் வழக்கு பதிவு செய்து அடக்குகிறது எனவும் அவர் தெரிவித்தார்.மேலும் மத்திய அரசு குடியுரிமை சட்டத்தைக் திரும்ப பெற வேண்டும் எனவும் தெரிவித்த அவர்,பாஜகவின் ஊதுகோலாக செயல்படும் காவல் துறை மக்களுக்காக இயங்க வேண்டும் எனவும் தெரிவித்தார்.
மேட்டுபாளையம் நடூர் பகுதியில் நடந்த விபத்தில் பாதிக்கப்பட்ட மக்களுக்கு, தமிழக அரசு கொடுத்த வாக்குறுதிகளைக் உடனடியாக நிறைவேற்ற வேண்டும் எனவும் இல்லையென்றால் மீண்டும் நடூர் பகுதிக்கு சென்று மக்களை திரட்டி போராட்டம் நடத்துவோம் எனவும் தெரிவித்தார்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
