March 9, 2022 
தண்டோரா குழு
காரமடை காளம்பாளையம் பகுதியை சேர்ந்தவர் சண்முகம் (62),தொழிலாளி. இவர் சம்பவத்தன்று தோலம்பாளையம்- காரமடை ரோட்டில் நடந்து சென்று கொண்டிருந்தார்.
அப்போது,அவ்வழியாக சென்ற போர்வெல் லாரி மேலே சென்ற மின்சார வயரில் சிக்கியது. இதை கவனிக்காமல் டிரைவர் லாரியை ஓட்டினார். இதில், அப்பகுதியில் உள்ள மின் கம்பம் ஒன்று சரிந்து நடந்து சென்ற சண்முகம் மீது விழுந்தது. இதில், அவர் பலத்த காயமடைந்தார்.
இதைக்கண்டு அதிர்ச்சி அடைந்த அங்கு இருந்தவர்கள் அவரை மீட்டு மேட்டுப்பாளையம் அரசு மருத்துவமனையில் சேர்த்தனர். அங்கு அவரை பரிசோதனை செய்த டாக்டர்கள் சண்முகம் வரும் வழியிலேயே இறந்துவிட்டதாக தெரிவித்தனர். இதுகுறித்து காரமடை போலீசார் வழக்குப்பதிவு செய்து விசாரித்து வருகின்றனர்.
For English News
