January 7, 2017 
தண்டோரா குழு
அமரர் ஊர்தி கிடைக்காததால் இறந்த மகளைத் தோளில் தூக்கிக் கொண்டு 15 கிலோமீட்டர் நடந்த சம்பவம் ஓடிஸா மாநிலத்தில் பரப்பரப்பை ஏற்படுத்தியுள்ளது.
ஓடிஸா மாநிலத்தில் உள்ள அங்குல் மாவட்டத்தை சேர்ந்த கட்டி தர்பார் என்பவர் காய்ச்சலால் அவதியுற்ற தனது 5 வயது மகள் சுமியை அருகில் உள்ள பலஹாரா சுகாதார நிலையத்தில் சேர்த்துள்ளார். ஆனால், சிகிச்சை பலனின்றி அவள் இறந்துவிட்டாள் என்று மருத்துவர்கள் தெரிவித்துள்ளனர்.
இறந்த மகளை வீட்டிக்கு எடுத்துச்செல்ல பொருளாதார வசதி இல்லாததால் அமரர் ஊர்தி கேட்டுள்ளார். ஆனால், அது தரப்படவில்லை. இதையடுத்து இறந்த மகளைத் தோளில் சுமந்துகொண்டு 15 கிலோமீட்டர் நடந்து செல்லும் அவல நிலைக்கு தள்ளப்பட்டார் அவர்.
இது குறித்து கட்டி தர்பார் செய்தியாளர்களிடம் வெள்ளிக் கிழமை (ஜனவரி 6) கூறுகையில், “காய்ச்சலால் அவதியுற்ற சுமியை பலஹாரா சுகாதார நிலையத்தில் சேர்த்தேன். ஆனால், சிகிச்சை பலனின்றி அவள் இறந்துவிட்டாள் என்று மருத்துவர்கள் கூறினர். அதன் பிறகு அவளை வீட்டிற்கு எடுத்துச் செல்லுமாறு சுகாதார ஊழியர்கள் கூறினர். அரசின் இலவச அமரர் ஊர்தியை தர மறுத்துவிட்டனர். இதனையடுத்து என்னுடைய கிராமத்தின் இடுகாட்டுக்கு இறந்த மகளை தோளில் சுமந்துகொண்டு 15 கிலோ மீட்டர் நடந்தேன்” என்றார்.
இது குறித்து பலஹாரா சுகாதார நிலையத்தின் மருத்துவ அதிகாரி கூறுகையில், “இச்சம்பவம் குறித்து ஊடகங்கள் மூலம்தான் தெரிய வந்தது. இது போன்று இறந்தவர்களின் உடல்களில் எடுத்து செல்லக் கூடாது என்று ஊழியர்களுக்குக் கட்டளையிட்டுள்ளேன். ஒவ்வொரு சம்பவத்திற்கும் நான் பாதுகாவலனாக இருப்பேன் என்று எதிர்பார்க்கக்கூடாது. இது குறித்து விசாரிக்க கட்டளையிட்டுள்ளேன்” என்றார்.
ஓடிஸா மாநிலத்தில் நவீன் பட்நாயக் அரசு, கடந்த ஆண்டின் ஆகஸ்ட் மாதத்தில் ‘மகா பிரையன்’ திட்டத்தின் கீழ் இலவச பாடை சேவையை அறிவித்தது. இந்த அறிவிப்பு வெளியான பிறகு பொருளாதார வசதி இல்லாத மக்கள் இறந்த குடும்பத்தினரைத் தோளில் சுமந்து செல்லும் அவல நிலை நீடிக்கிறது.
இந்தச் சம்பவம் முதல் நிகழ்வு அல்ல ஓடிஸா மாநிலத்தில் கட்டி தர்பாருக்கு நடந்த இந்த கொடுமையான சம்பவம் முதலாவது அல்ல. கடந்த ஆண்டு இதே மாநிலத்தில் இறந்த மனைவியின் உடலை சுமந்து கொண்டு 13 கிலோ மீட்டர் நடந்த சம்பவம் இந்தியாவின் கவனத்தை திருப்பியது. அதே போல சரத் பாரிக் என்பவர் இறந்த தந்தையின் உடலை சுமந்து சென்ற சம்பவமும் அங்கேதான் நடந்தது என்பது குறிப்பிடத்தக்கது.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
