January 31, 2021 
தண்டோரா குழு
பொதுமக்களுக்கு தடுப்பூசி போடும் போது நானும் போட்டுக்கொள்வேன் என தெலுங்கானா ஆளுநர் தமிழிசை சவுந்தரராஜன் கோவையில் பேட்டியளித்துள்ளார்.
கோவை மருதமலை முருகன் கோவிலில் தெலுங்கானா ஆளுநர் தமிழிசை சவுந்தரராஜன் அவரது குடும்பத்தினருடன் வந்து தரிசனம் செய்தார்.அதனைத் தொடர்ந்து செய்தியாளர்களிடம் பேசிய அவர் கொரானா வைரஸிலிருந்து உலகம் விடுபடவேண்டும் என்று நேற்று பழனியில் சாமி தரிசனம் செய்துவிட்டு இன்று மருதமலை வந்துள்ளேன். தற்போது கொரோனாவிலிருந்து விடுபட்டு தடுப்பூசி நுழைந்து இருக்கிறோம் என்று தெரிவித்தார். மேலும் நம் நாட்டில் தயாரிக்கப்பட்ட தடுப்பூசியை வளர்ந்து வரும் நாடுகளுக்கு ஏற்றுமதி செய்யப்படுவதில் பெருமைபட வேண்டும். சென்ற ஆண்டு நாம் அனைவரும் அச்சத்திலேயே இருந்தோம் இந்த ஆண்டு அச்சத்தில் இருந்து விடுபட விஞ்ஞானிகள் வழிவகை செய்து இருக்கிறார்கள் அதற்காக நாம் அனைவரும் விஞ்ஞானிகளுக்கு நன்றி தெரிவிக்க வேண்டும் என்று தெரிவித்தார். முன் கள பணியாளர்களாக பணியாற்றிய மருத்துவர்கள் செவிலியர்கள் துப்புரவு பணியாளர்கள் செய்தியாளர்களுக்கு முதலில் தடுப்பூசி போடப்படுகிறது. இது அவர்களுக்கு நன்றி தெரிவிக்கும் வகையில் நன்றி ஊசியாக போடப்படுகிறது. இது பரிசோதனை அல்ல இது அவர்களுக்கு அளிக்கும் பரிசு என்று தான் நான் நினைக்கிறேன். மருத்துவராக மட்டும் நான் பணியாற்றி இருந்தால் நானும் தடுப்பூசி போட்டுக் கொண்டிருப்பேன்.
தற்பொழுது ஆளுநராக இருப்பதால் பொதுமக்களுக்கு போடும் பொழுது நானும் போட்டுக் கொள்வேன்.தைப்பூசத்திற்கு விடுமுறை அளித்ததற்கு முதலமைச்சருக்கு எனது நன்றிகளை தெரிவித்து கொள்கிறேன். கொரொனாவில் இருந்து மிக விரைவாக நாம் மீண்டு வந்ததற்கு பொதுமக்களுக்கும் வழிகாட்டிய மத்திய அரசு மற்றும் அதனை செயல்படுத்த மாநில அரசுகளுக்கும் எனது நன்றிகள் என்று தெரிவித்தார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
