March 8, 2017 
தண்டோரா குழு
ஃபேஸ்புக் நிறுவனர் மார்க் ஜுகும்பேர், 12 ஆண்டுகளுக்குப் பின், தனது டிகிரி படிப்புக்கான சான்றிதழை வாங்க உள்ளார்.
கடந்த 2004ம் ஆண்டு ஹார்வர்டு கல்வி நிறுவன மாணவர்களுக்காக தொடங்கப்பட்ட ஃபேஸ்புக் இணையதளம் இன்று, மிகப்பெரிய சமூக ஊடகமாக, மாறி உலகம் முழுவதும் வளர்ச்சியடைந்து, இன்றைக்கு சுமார் 200 கோடிக்கும் அதிகமான பயனாளர்கள் இதனை பயன்படுத்தி வருகின்றனர்.
இதன் நிறுவனரான மார்க் ஜுகும்பேர் இன்றைக்கு, உலக பெரும் பணக்காரர்களில் ஒருவராக இருக்கலாம். ஆனால், அவர் தனது பட்டப்படிப்பை முழுதாக முடிக்காத நபர் என்பது நம்மில் பலருக்கும் தெரிந்திருக்க வாய்ப்பில்லை.
ஹார்வர்டு கல்வி நிறுவனத்தின் முன்னாள் மாணவரான மார்க், 2004ம் ஆண்டு பட்டப்படிப்பை படித்துக் கொண்டிருந்தபோதே, ஃபேஸ்புக்கை தொடங்கி, படிப் படியாக, அதன் வளர்ச்சி காரணமாக இன்று உலக பிரபல தொழிலதிபராக மாறிவிட்டார். அதனால், அவரால் படிப்பை தொடர முடியாமல் இடையிலேயே ஹார்வர்டு கல்வி நிறுவனத்தில் இருந்து வெளியேறிவிட்டார்.
இந்நிலையில், அவரது சாதனையை பாராட்டியும், ஹார்வர்டு கல்வி நிறுவனத்திற்கு மார்க் தேடித்தந்துள்ள புகழை கருத்தில்கொண்டும் அவருக்கு, பட்டப்படிப்பை நிறைவு செய்ததற்கான சான்றிதழை தர ஹார்வர்டு நிர்வாகம் தரப்பில் முடிவு செய்யப்பட்டுள்ளது. இதையடுத்து வரும் மே மாதத்தில் நடைபெற உள்ள பட்டமளிப்பு விழாவின்போது, மார்க் அவரது படிப்புக்கான டிகிரியை பெற உள்ளார். மேலும், அந்த விழாவில், சிறப்பு உரை நிகழ்த்தவும் அவருக்கு வாய்ப்பு வழங்கப்பட்டுள்ளது என்பது குறிப்பிடத்தக்கது.
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
எஸ்எஸ்விஎம் கல்விக் குழுமம் – “இன்ஸ்பிரேஷனல் குரு அவார்ட்ஸ் 2025” வெற்றியாளர்கள் அறிவிப்பு !
எஸ்எஸ்விஎம் நிறுவனங்கள் “ஸ்டுடன்ட்பிரனூர் அவார்ட்ஸ் 2025” வெற்றியாளர்களுக்கு பரிசு வழங்கப்பட்டன !
கோவை தொழில்முனைவோர் உருவாக்கிய சமூக வலைத்தளம் – பிரதமர் மோடி இணைய அழைப்பு!
என்எஃப்எஸ்யு-வின் நம்பிக்கையைப் பெற்ற ஆம்வேயின் நியூட்ரிலைட் பாதுகாப்பான ஊட்டச்சத்தை வழங்குவதில் ஒரு முக்கிய கட்டம்
“STOP DRUG ABUSE”– கண்ணை கவர்ந்த மாணவிகளின் உலகச் சாதனை முயற்சி!
For English News
