December 20, 2017 
தண்டோரா குழு
பேஸ்புக்கில் ஒருவரின் புகைப்படத்தை மற்றொரு நபர் வெளியிட்டால் சம்மந்தப்பட்ட நபருக்கு தெரியப்படுத்தும் வசதி அறிமுகம் செய்யப்பட உள்ளது.
உலக அளவில் அதிக மக்களால் பயன்படுத்தப்படும் சமூக வலைதளங்களில் ஓன்று பேஸ்புக். கருத்துகளை பகிர்தல், நண்பர்களும் சேட்டிங் செய்தல், புகைபடங்களை பகிர்தல் என பல வசதிகள் இருப்பதால் இதனை பலரும் பயன்படுத்தி வருகின்றனர். எனினும் ஆரம்பத்தில் பேஸ்புக்கில்புகைப்படங்களை பகிர்ந்தால் மற்றவர்கள் அதனை பகிர்வது எளிதாக இருந்தது. தற்போது பயனாளர்களின் பாதுக்காப்பிற்காக பேஸ்புக் நிறுவனம் பல்வேறு புதிய வசதிகளை அறிமுகம் செய்து வருகிறது.
அந்த வகையில் தற்போது பேஸ்புக் நிறுவனம் ஒருவரின் புகைப்படத்தை மற்றொரு நபர் வெளியிட்டால் சம்மந்தப்பட்ட நபருக்கு தெரியப்படுத்தும் வசதி அறிமுகம் செய்யஉள்ளது.
அதன்படி ஒருவரின் பேஸ்புக் ப்ரோபைல் புகைப்படங்களையும் (( profile picture )) மற்றவர்கள் பதியேற்றம் செய்யும் புகைப்படங்களையும் முக அடையாளங்களை கண்டறியும் தொழில்நுட்பம் மூலம் அறிய முடியும் என்று அந்நிறுவனம் தெரிவித்துள்ளது.இதன்மூலம் பேஸ்புக் பயனாளி ஒருவரின் புகைப்படத்தை, அனுமதியுடனோ அல்லது அனுமதியின்றியே மற்றோரு நபர் பதிவிட்டால், குறிப்பிட்ட அந்த பயனாளிக்கு தெரிவிக்கப்படும். இந்த தொழில்நுட்பத்தால் ஒருவரின் தனிப்பட்ட புகைப்படங்களை அனுமதியின்றி மற்றவர்களால் பதிவிடுவதை தவிர்க்க முடியும் என்று அந்நிறுவனம் கூறியுள்ளது.
For English News
