July 25, 2022 
தண்டோரா குழு
மதுக்கரை மார்க்கெட் சந்தையில் புதிதாக திறக்கப்பட உள்ள மதுபானக் கடையை மூடக்கோரி நாம் தமிழர் கட்சி சார்பில் மாவட்ட ஆட்சியரிடம் மனு அளிக்கப்பட்டது.
நாம் தமிழர் கட்சி கிணத்துக்கடவு சட்டமன்ற தொகுதி சார்பில் கோவை கிணத்துக்கடவு சட்டமன்ற தொகுதியில் மதுக்கரை மார்க்கெட் சந்தை பகுதியில் புதிதாக அரசு மதுபான கடை திறக்கப்பட உள்ளது. எனவே இந்த மதுபான கடையை மூடக்கோரி மாவட்ட ஆட்சியரிடம் மனு அளிக்கப்பட்டது.
அந்த மனுவில், கிணத்துக்கடவு சட்டமன்ற தொகுதிக்குட்பட்ட மதுக்கரை மார்க்கெட் சந்தை பகுதியில் மதுபான கடை புதிதாக திறக்கப்பட உள்ளது. இங்கு ஏற்கனவே இரண்டு மதுபான கடைகள் உள்ளன. தற்போது திறக்கப்பட உள்ள இந்த மதுபான கடை சுற்றி பள்ளி, குடியிருப்பு பகுதிகள் மற்றும் வாரச்சந்தையும் நடைபெற்று வருகிறது. தற்போது திறக்கப்படவுள்ள இந்த மதுபான கடையால் மக்கள் பெரும் அவதிக்குள்ளாவார்கள். எனவே இதனை உடனடியாக மாவட்ட நிர்வாகம் தடுத்து நிறுத்த வேண்டும் என அந்த மனுவில் தெரிவிக்கப்பட்டு இருந்தது.
இதில் நாம் தமிழர் கட்சி கிணத்துகடவு சட்டமன்றத் தொகுதி தலைவர் ஜீவானந்தம், செயலாளர் செல்வகுமார், பொருளாளர் கிரண், தொழிலாளர் பாசறை பூலோகம் மற்றும் சதீஷ்குமார் ஆகியோர் உடன் இருந்தனர்.
For English News
