September 24, 2019 
பிகில் இசை வெளியீட்டு விழாவுக்கு எந்த அடிப்படையில் அனுமதி வழங்கப்பட்டது என்பது குறித்து கல்லூரி நிர்வாகத்திடம் தமிழக அரசின் உயர்கல்வித்துறை விளக்கம் கேட்டுள்ளது.
அட்லீ – விஜய் கூட்டணியில் உருவாகியுள்ள படம் பிகில். ஏஜிஎஸ் நிறுவனம் தயாரிப்பில் பெண்கள் கால்பந்து விளையாட்டை மையப்படுத்தி உருவாக்கப்பட்டிருக்கும் இப்படம்
தீபாவளிக்கு வெளியாகவுள்ளது. இப்படத்தின் இசைவெளியீட்டு விழா கடந்த 19-ம் தேதி சென்னை தாம்பரத்தில் உள்ள சாய்ராம் பொறியியல் கல்லூரியில் நடைபெற்றது.
இவ்விழாவில் கலந்து கொண்டு பேசிய நடிகர் விஜய், பேனர் விழுந்து உயிரிழந்த சுபஸ்ரீ குடுமபத்துக்கு ஆறுதல் தெரிவித்தார். இதுமட்டுமின்றி அரசியல்ல புகுந்து விளையாடுங்க.. ஆனா விளையாட்டுல அரசியல கொண்டு வராதீங்க என்றார். விஜயின் இந்தப் பேச்சுக்கு அதிமுக தரப்பில் கடும் எதிர்ப்புகள் எழுந்தன.
இந்நிலையில் பிகில் இசைவெளியீட்டு விழாவுக்கு எந்த அடிப்படையில் கல்லூரி நிர்வாகம் அனுமதி வழங்கியது என்று தமிழக அரசின் உயர்கல்வித்துறை சார்பில் விளக்கம் கேட்கப்பட்டுள்ளது.
For English News
