August 26, 2020 
தண்டோரா குழு
கோவை புலியகுளம் பகுதியில் தனியார் இ சேவை மையத்தை பா.ஜ.க மாநில துணை தலைவர் வானதி சீனிவாசன் துவக்கி வைத்தார்.
பின்னர் செய்தியாளர்களிடம் பேசிய அவர்,
மத்திய அரசு திட்டங்கள் தமிழகத்தில் மிக சிறப்பாக செயல்படுத்தப்பட்டு வருகின்றது. கடந்த 6 ஆண்டுகளில் மத்திய அரசிடம் இருந்து
5 லட்சம் கோடிக்கு மேலாக தமிழகம் பெற்று இருக்கின்றது. கொரொனாவிற்கு 6600 கோடி தமிழகத்திற்கு மத்திய அரசு வழங்கி இருக்கின்றது. தமிழகத்தில் பா.ஜ.கவின் நேரடி அரசை போல, இல்லை என்றாலும் எந்த வேறுபாடையும் காட்டாமல் திட்டங்களை வழங்கி இருக்கிறது.
தி.மு.க ஆட்சியை பிடிக்க வேண்டும் என்பதற்காக பிரதமர் மோடி குறித்து உண்மைக்கு புறம்பான தகவல்களை சொல்லி திசை திரும்ப பார்க்கின்றார்.திமுக தலைவர் ஸ்டாலின் விநாயகர் சதுர்த்தி,கிருஷ்ணர் சதுர்த்திக்கு வாழ்த்துகளை சொல்லவில்லை.
சிறுபான்மையினர் விழாக்களுக்கு வாழ்த்து சொல்லும் ஸ்டாலின், நாகரிகமாக இந்த விழாக்களுக்கும் வாழ்த்துகளை சொல்லி இருக்க வேண்டும்.வரும் சட்டமன்ற தேர்தலில் திமுகவிற்கு எதிரான அலை இருக்கும் என்பதை பா.ஜ.க கூற விரும்புகின்றது.
ரஜினியின் அரசியல் பயணமே ஆன்மீக பயணம்.இதற்கு முன்பாக அவர் வாழ்த்துகளை சொல்லி இருக்கின்றார்.ஆனால்
பிற மதங்களை இழிவுபடுத்துவர் அல்ல ரஜினிகாந்த் அதிமுக கூட்டணி , திமுக கூட்டணி என்பது பொலிட்டிக்கல் அரேஜ்மென்ட் மட்டுமே.
பா.ஜ.க தமிழகத்தில் ஆட்சி அமைக்க வேண்டும் என்பதே லட்சியம்கூட்டணி பிரேலதா விஜயகாந்த் அவருடைய கட்சியின் ஒரு நோக்கத்தை சொல்லி இருக்கலாம்.தேசிய ஜனநாயக கூட்டணி இப்போது வரை தொடர்ந்து வருகின்றது. அதில்எந்த மாற்றமும் இல்லை
தேர்தல் களம் நெருங்க,நெருங்க கூட்டணி செயல்பாடுகளில் கட்சிகள் விருப்பங்களை சொல்வது வாடிக்கையான விஷயம்தான்.
பா.ஜ.க தலைமையில் தனியாக ஒரு அணி உருவாகுமா என்பது,தேர்தல் நெருங்கும் போது அதற்கான தகவல் வரும் எங்களுக்கு ஆர்வம் இருக்கின்றது. சூழல் மாறிக்கொண்டு இருப்பதை உணர்கின்றோம்.செல்வாக்கு இல்லாத பகுதிகளில் இப்போது செல்வாக்கு அதிகரித்து வருகின்றது. தேர்தலுக்குள்ளாக நல்ல மாற்றங்கள் ஏற்படலாம்கழகங்கள் இல்லாத தமிழகம் என்பதை சொல்லி வருகின்றோம். அதை அடையும் வரை கூட்டணி இருக்கும் என்றார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
