November 22, 2021 
தண்டோரா குழு
கோவை செட்டிபாளையம் கரி மோட்டர் ஸ்பீடு வே பந்தய பாதையில் நடைபெற்ற எல்.ஜி.பி கோப்பையின் 2வது சுற்று கார் பந்தய போட்டியில், கார்கள் மற்றும் இருசக்கர வாகனங்கள் சீறிப்பாய்ந்த காட்சி பார்வையாளர்களை பரவசத்தில் ஆழ்த்தியது.
கோவை அடுத்த செட்டிபாளையம் பகுதியில் ஜே.கே.டயர்ஸ் சார்பில் பராமரிக்கப்படும் கரி மோட்டார் ஸ்பீடு வே அமைந்துள்ளது. நொய்டா, சென்னை போன்ற நகரங்களுக்கு பிறகு இந்தியாவில் பார்முலா 4 அளவிலான பந்தயங்கள் இந்த மைதானத்தில் நடைபெற்று வருகிறது. இதன் ஒரு பகுதியாக எல்.ஜி.பி கோப்பையில் 2வது சுற்று போட்டிகள் நடைபெற்றது. ஜே.கே.டயர்ஸ், எல்.ஜி.பி கோப்பையின் இரண்டாவது மற்றும் 3வது போட்டிகள் மற்றும் ஜே.கே டயர்ஸ் நோவிஸ் கோப்பையின் 2வது மற்றும் 3வது போட்டிகள் நடைபெற்றது.
தொடர்ந்து இருசக்கர வாகனங்கள் பங்கேற்கும் ராயல் என்பீல்ட் காண்டினண்டல் கோப்பையின் 2வது சுற்று போட்டிகள் நடைபெற்றது.
இதில் எல்.ஜி.பி கோப்பையின் 2வது சுற்றில் திலிஜித் முதலிடத்தையும், டிஜில் ராவ் 2ம் இடத்தையும், சந்தீப்குமார் 3வது இடத்தையும் பிடித்து அசத்தினர். மூவரும் டார்க் டான் ரேசிங் குழுவை சேர்ந்தவர்கள் என்பது குறிப்பிடத்தக்கது. இதே போல் 3 வது போட்டியில் டிஜில் ராவ் முதலிடத்தையும், சந்தீப் குமார் 2ம் இடத்தையும், அஸ்வின் தத்தா 3வது இடத்தையும் பிடித்தனர்.
நோவிஸ் கோப்பையில் 2வது போட்டியில் எம்.ஸ்போர்ட்டின் ருகான் ஆல்வா முதலிடத்தையும், ஜேடன் பாரியட் இரண்டாம் இடத்தையும், டிடீஎஸ் ரேசிங்கின் ஜோயல் ஜோசப் 3வது இடத்தையும் பிடித்தனர். 3வது போட்டியில் ருகான் ஆல்வா முதலிடத்தையும், ஜேடன் பாரியட் இரண்டாம் இடத்தையும், கவுரவ் கோச்சார் 3வது இடத்தியும் பிடித்தனர்.
ராயல் என்பீல்ட் பைக் போட்டியில் திருச்சூரை சேர்ந்த அன்பல் அக்தார் முதலிடத்தையும், ஆல்வின் சேவியர் 2ம் இடத்தையும், கோவையைச் சேர்ந்த ராஜ்குமார் 3ம் இடத்தையும் பிடித்தனர்.பந்தய மைதானத்தில் கார்களும், இருசக்கர வாகனங்களும் உருமல் சத்தத்துடன் சீறிப்பாய்ந்த காட்சி பார்வையாளர்களை பரவசத்தில் ஆழ்த்தியது.
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
மாற்றுத்திறனாளி இளைஞர்களும் ஆன்லைன் உணவு டெலிவரி செய்யும் வகையில் புதிய எலக்ட்ரிக் சைக்கிள் !
கோயமுத்தூர் இன்னர் வீல் கிளப் சார்பாக அரசு தொடக்கப்பள்ளிக்கு புதிய வகுப்பறைகள் அர்ப்பணிப்பு
For English News
