March 9, 2017 
தண்டோரா குழு
தெற்கு காஷ்மீர் புல்வாமா மாவட்டத்தின் பட்கம்போரா பகுதியில் பாதுகாப்புப் படையினருக்கும் லஷ்கர் – இ – தொய்பா தீவிரவாதிகளுக்கும் இடையே வியாழக்கிழமை (மார்ச் 9) நடந்த சண்டையில் 2 தீவிரவாதிகள் உயிரிழந்தனர்.
புல்வாமா பகுதியில் தீவிரவாதிகள் பதுங்கியிருப்பதாகப் பாதுகாப்பு படையினருக்குத் தகவல் கிடைத்தது. அதையடுத்து மத்திய ரிசர்வ போலீஸ் படை வீரர்கள் மற்றும் ஜம்மு காஷ்மீர் காவல் துறையைச் சேர்ந்த சிறப்பு நடவடிக்கைக் குழு புல்வாமா பகுதியில் தேடுதல் பணியில் ஈடுப்பட்டு, அந்த இடத்தைச் சுற்றி வளைத்தனர்.
அங்கு பதுங்கியிருந்த 2 முதல் 3 தீவிரவாதிகள் பாதுகாப்புப் படையினரை நோக்கிச் சுட ஆரம்பித்தனர். பாதுகாப்புப் படையினர் நடத்திய பதில் தாக்குதலில் 2 தீவிரவாதிகள் உயிரிழந்தனர்.
“உயிரிழந்த தீவிரவாதிகள் ஜஹாங்கீர் கனி மற்றும் முஹம்மத் ஷஃபி என்கிற சேர் குஜ்ரி என்று அடையாளம் கண்டுபிடிக்கப்பட்டுள்ளது. கடந்த ஆண்டு உள்ளூர் காவல்துறை அதிகாரியைக் கொலை செய்த சம்பவத்தில் கனை சம்பந்தப்பட்டுள்ளான். உயிரிழந்த இருவரும் புல்வாமா மாவட்டத்தில் உள்ள கோயல் கிராமத்தைச் சேர்ந்தவர்கள்” என்று மூத்த மத்திய ரிசர்வ போலீஸ் படை அதிகாரி தெரிவித்தார்.
இந்நிலையில், சண்டை நடந்துகொண்டிருக்கும் பட்கம்போரா கிராமத்தின் அருகில் உள்ள ரயில் பாதை வழியாக பனிஹல் பாரமுல்லா ரயில் செல்வதால், அதனுடைய சேவை ரத்து செய்யப்பட்டுள்ளது.
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
எஸ்எஸ்விஎம் கல்விக் குழுமம் – “இன்ஸ்பிரேஷனல் குரு அவார்ட்ஸ் 2025” வெற்றியாளர்கள் அறிவிப்பு !
எஸ்எஸ்விஎம் நிறுவனங்கள் “ஸ்டுடன்ட்பிரனூர் அவார்ட்ஸ் 2025” வெற்றியாளர்களுக்கு பரிசு வழங்கப்பட்டன !
கோவை தொழில்முனைவோர் உருவாக்கிய சமூக வலைத்தளம் – பிரதமர் மோடி இணைய அழைப்பு!
என்எஃப்எஸ்யு-வின் நம்பிக்கையைப் பெற்ற ஆம்வேயின் நியூட்ரிலைட் பாதுகாப்பான ஊட்டச்சத்தை வழங்குவதில் ஒரு முக்கிய கட்டம்
“STOP DRUG ABUSE”– கண்ணை கவர்ந்த மாணவிகளின் உலகச் சாதனை முயற்சி!
For English News
