February 24, 2017 
பாகிஸ்தானின் லாகூர் நகரில் வியாழக்கிழமை(பிப்ரவரி 23) நடந்த இரண்டு வெடிகுண்டு சம்பவத்தில் 5 பேர் உயிரிழந்தனர் 21 பேர் காயமடைந்தனர்.
லாகூர் நகரின் கிழக்கு பகுதியில் உள்ள மேல்தட்டு சந்தையில் முதல் வெடிகுண்டு வெடித்தது. அதில் 5 பேர் உயிரிழந்தனர் 21 பேர் காயமடைந்தனர். முதல் வெடிகுண்டு வெடித்த சில நிமிடங்களில் குல்பர்க் நகரில் இரண்டாவது வெடிகுண்டு வெடித்தது. இதில் நேர்ந்த சேதம் குறித்து உடனடியாக தெரியவில்லை.
“குல்பர்க் நகரில் வெடித்த வெடிகுண்டு சம்பவம் குறித்து சில தகவல்கள் வெளியாகியுள்ளது. ஷாப்பிங் மையம் மற்றும் உணவகங்களிருக்கும் முக்கிய இடத்தில் இரண்டாவது வெடிகுண்டு வெடித்தது” என்று பஞ்சாப் அரசு அதிகாரி தெரிவித்தார்.
பாகிஸ்தான் நாட்டின் ஜியோ தொலைக்காட்சி வெளியிட்ட செய்தியில், “ஜெனரேடர் ஒன்று வெடித்தது என்று முதலில் தெரிவித்தது. ஆனால் சம்பவ இடத்திலிருந்து வெளியான செய்தியில், அங்கு வெடிகுண்டு வெடித்துள்ளது, அதன் சேதம் குறித்து தெரியவில்லை” என்று தெரிவித்தது.
பாகிஸ்தான் நாட்டில் கடந்த சில வாரங்களாக பயங்கரவாத அலை நடந்துக்கொண்டு வருகிறது. இதில் நாடு முழுவதிலும் 13௦ பேர் உயிரிழந்துள்ளனர். நூற்றுக்கணக்கான மக்கள் காயமடைந்துள்ளனர். இம்மாதம் தெற்கு சிந்து மாகணத்தின் சூபி மசூதியில் நடந்த தாக்குதல்தான் பயங்கரமானது. இதில் 9௦ பேர் உயிரிழந்தனர்.
“வியாழக்கிழமை நடந்த விபத்தில் சேதங்களும் காயங்களும் ஏற்பட்டுள்ளது. ஆனால், இது குறித்து உயிரிழந்தவர்கள், காயமடைந்தவர்கள் மற்றும் எவ்வளவு சேதம் ஏற்பட்டுள்ளது என்று சரியான எண்ணிகையை குறித்து தகவல் தர இயலாது” என்று பஞ்சாப் காவல்துறை செய்தித்தொடர்பாளர், நயப் ஹைதர் தெரிவித்தார்.
சந்தையில் உள்ள வங்கியில் பணிபுரியும் ஒருவர் கூறுகையில், “வங்கியின் உள்ளிருந்த போது அச்சுறுத்தலான சத்தம் கேட்டு வங்கி அதிர்ந்தது. கட்டடத்தில் இருந்து வெளியே வந்தபோது, அங்கு நிறுத்தி வைக்கப்பட்டிருந்த மோட்டார் சைக்கிளில் தீ பற்றியிருந்தது. அருகில் இருந்த கட்டடத்தின் ஜன்னல்கள் நொறுங்கியிருந்தது” என்றார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
