May 30, 2018 
தண்டோரா குழு
பழம்பெரும் தயாரிப்பாளர்,இயக்குநர்,கதை,வசனகர்த்தா,எழுத்தாளர் முக்தா வி.சீனிவாசன்(88)சமீப காலமாக உடல்நலக்குறைவால் அவதிப்பட்டு வந்தார்.இந்நிலையில் அவர் உடல் நலக்குறைவால் சென்னை தி.நகரில் உள்ள இல்லத்தில் நேற்று காலமானார்.
பொல்லாதவன்,சிம்லா ஸ்பெஷல் உள்ளிட்ட படங்களை இயக்கிய முக்தா சீனிவாசன் நாயகன், அந்தமான் காதலி உள்ளிட்ட படங்களை தயாரித்துள்ளார்.முக்தா சீனிவாசன் தனது அண்ணன் முக்தா வி.ராமசாமியுடன் இணைந்து முக்தா பிலிம்ஸை துவக்கி அதன் மூலம் 41 திரைப்படங்களைத் தயாரித்து உள்ளார்.இதுவரையிலும் மொத்தம் 65 திரைப்படங்களை இயக்கியிருக்கிறார்.
அவரது மறைவு திரைத் துறையினரையும் அவரது குடும்பத்தாரையும் சோகத்தில் ஆழ்த்தியுள்ளது. 1957-ல் இவர் இயக்கிய முதல் திரைப்படம் ‘முதலாளி’ வெளி வந்தது.இந்த முதல் திரைப்படமே, ஜனாதிபதி விருதை பெற்றது.இவர் இயக்கிய சூரியகாந்தி மறைந்த முதல்வர் ஜெயலலிதாவுக்கு 100- வது படம் என்பது குறிப்பிடத்தக்கது.
For English News
