June 15, 2019 
தண்டோரா குழு
மேல்நிலை தேர்வில் நல்ல மதிப்பெண் பெற்றிருந்தாலும் மருத்துவ கல்வியில் சேர முடியாது என்ற நிலையை நீட் தேர்வு உருவாக்கியுள்ளதாக திராவிடர் கழகம் மற்றும் தோழமை அமைப்புகள் குற்றம்சாட்டியுள்ளன.
நீட் தேர்வை கண்டித்தும், மத்திய அரசின் மும்மொழிக்கல்வி முன்வரவை கண்டித்தும் கோவையில் திராவிடர் கழகம் சார்பில் கோவை தெற்கு வட்டாட்சியர் அலுவலகம் முன்பாக கண்டன ஆர்பாட்டம் நடைபெற்றது. இதில் திமுக, விடுதலை சிறுத்தைகள், காங்கிரஸ் உள்ளிட்ட பல்வேறு அமைப்புகளை சேர்ந்தவர்கள் கலந்து கொண்டனர். ஆர்பாட்டத்தில் மத்திய அரசின் மும்மொழி கொள்கை திட்டம் உள்ளிட்டவற்றை கண்டித்து கண்டன முழக்கங்கள் எழுப்பப்பட்டது.
பின்னர் செய்தியாளர்களிடம் பேசிய திராவிடர் கழகத்தின் மேட்டுப்பாளையம் மாவட்ட தலைவர் வேலுச்சாமி,
மும்மொழி கல்வி திட்டம் மூலமாக இந்தியை திணிப்பதோடு, மாநில கல்வி முறைகளை சீரழிக்கும் வகையில் மத்திய அரசு செயல்படுவதாக குற்றம்சாட்டினார். மேலும் நீட் தேர்வு காரணமாக இவ்வாண்டு அரசு பள்ளிகளில் பயின்ற ஒரு மாணவர் கூட மருத்துவ கல்லூரியில் நுழைய முடியாத நிலை உருவாகியுள்ளதாகவும் மேல்நிலை வகுப்பில் நல்ல மதிப்பெண்கள் பெற்றிருந்தாலும் மருத்துவராக முடியாதவாறு வர்ணாசிரம கொள்கையை மத்திய அரசு செயல்படுத்த முயல்வதாகவும் அவர் அப்போது குற்றம்சாட்டினார்.
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
கோவை ஜி.கே.என்.எம். மருத்துவமனை சார்பாக செப்.28 ம் தேதி ‘ரன் ஃபார் லிட்டில் ஹார்ட்ஸ்’ மாராத்தான்
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
For English News
