January 9, 2020 
தண்டோரா குழு
துணை முதல்வர் ஓ.பன்னீர்செல்வத்துக்கு இருந்த இசட் பிரிவு பாதுகாப்பு விலக்கிக் கொள்ளப்பட்டது. நாளையில் இருந்து பாதுகாப்பு விலக்கிக் கொள்ளப்படுவதாக தமிழக அரசுக்கு சிஆர்பிஎப் கடிதம் எழுதியுள்ளது.
ஜெயலலிதா மறைக்குப் பின்னர் முதல்வரான ஓ.பன்னீர் செல்வத்துக்கு இசட் பிரிவு பாதுகாப்பு வழங்கப்பட்டது. தற்போது துணை முதல்வராக உள்ள ஓ.பன்னீர் செல்வம் மத்திய அரசின் பாதுகாப்பு பிரிவு பட்டியலில் இருக்கிறார். அவருக்கு இசட் பிரிவு பாதுகாப்பு வழங்கப்பட்டது. இந்த நிலையில், அவருக்கான இசட் பிரிவு பாதுகாப்பு இன்றுடன் முடிவுக்கு வருகிறது.
இந்நிலையில், நாளையில் இருந்து அவருக்கான பாதுகாப்பு விலக்கப் படுவதாக சி.ஆர்.பி.எப் தமிழக அரசுக்கு அனுப்பிய கடிதத்தில் தெரிவித்துள்ளது. மேலும், பிற அமைச்சர்களுக்கு வழங்கப்படும் பாதுகாப்பு ஓ.பன்னீர் செல்வத்துக்கு தொடரும் என்று தெரிவிக்கப்பட்டுள்ளது.
ஏன் திடீர் விலக்கு?
சமீபத்தில் வி.ஐ.பி.க்களுக்கான பாதுகாப்பு தொடர்பாக மத்திய – மாநில அரசுகளின் முடிவுகளின்படி, நாடு முழுவதும் பல்வேறு தலைவர்களுக்கான பாதுகாப்பு படி நிலைகளை குறைப்பது, அதிகரிப்பது உள்ளிட்ட முடிவுகள் எடுக்கப்படுகின்றன. அந்த வகையில் தீவிரவாத அச்சுறுத்தல் உள்ளிட்டவையை கருத்தில் கொண்டு பாதுகாப்பு படிநிலைகள், குறைப்பது அல்லது கூட்டுவது தொடர்பாக உள்துறை அமைச்சகம் இத்தகைய முடிவுகளை எடுக்கிறது. தற்போது, ஓ.பன்னீர் செல்வத்துக்கு பெரிய அளவில் அச்சுறுத்தல்கள் எதுவும் இல்லாததால் அவருக்கான இசட் பிரிவு பாதுகாப்பு விலக்கப்பட்டுள்ளதாக தகவல்கள் தெரிவிக்கின்றன.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
