January 4, 2017 
தண்டோரா குழு
திமுக ஆட்சியின் போது தான் ஜல்லிக்கட்டுக்குத் தடை விதிக்கப்பட்டது என அதிமுக பொதுச்செயலாளர் வி.கே சசிகலா குற்றம் சாட்டியுள்ளார்.
இது குறித்து வி.கே. சசிகலா புதன்கிழமை வெளியிட்டுள்ள அறிக்கையில் கூறியுள்ளதாவது:
தமிழகத்தின் பாரம்பரிய விளையாட்டான ஜல்லிக்கட்டுப் போட்டியைத் தடையின்றி நடத்த மறைந்த முதல்வர் ஜெயலலிதா மேற்கொண்ட முயற்சிகளை மறைத்துவிட்டு, அவரது புகழுக்குக் களங்கம் ஏற்படுத்தும் வகையில் உண்மைக்குப் புறம்பான கருத்துகளை எதிர்க்கட்சித் தலைவர் மு.க. ஸ்டாலின் பேசிவருகிறார்.
கடந்த 2011ம் ஆண்டு திமுக காங்கிரஸ் கூட்டணி ஆட்சியில்தான், காட்சி விலங்குகள் பட்டியலில் காளை சேர்க்கப்பட்டது. அதன் காரணமாகவே ஜல்லிக்கட்டுக்கு உச்ச நீதிமன்றம் தடை விதித்தது . ஜல்லிக்கட்டு தடை வந்ததற்கான காரணங்களை யார் இணையதளத்தில் தேடினாலும் பக்கம், பக்கமாக உண்மை தகவல் கிடைக்கும்.
திமுக காங்கிரஸ் கூட்டணியின் இந்த நடவடிக்கையால் ஜல்லிக்கட்டு போட்டிக்குத் தடை வந்தது என்ற உண்மையைக் குழித் தோண்டி புதைத்துவிட்டு, மக்களைத் திசைதிருப்பும் முயற்சியில் மு.க.ஸ்டாலின் ஈடுபடுவது பொறுப்பான செயல் அல்ல.
தமிழகத்தின் உரிமைகளைக் காப்பதற்காகவே தன் வாழ்க்கையை அர்ப்பணித்த ஜெயலலிதாவின் பெயருக்குக் களங்கும் விளைவிக்கும் முயற்சியிலும், உண்மையை மூடி மறைக்கும் முயற்சிலும் மு.க.ஸ்டாலின் ஈடுபட வேண்டாம்.இவ்வாறு சசிகலா அறிக்கையில் குறிப்பிட்டுள்ளார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
