March 25, 2021 
தண்டோரா குழு
தமிழன் உடம்பில் படர்தாமரை வளருமே தவிர, தமிழ் நிலத்தில் தாமரை மலராது என நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.
கோவை சிவானந்தாகாலணி பகுதியில் நாம் தமிழர் கட்சி வேட்பாளர்களை ஆதரித்து, அக்கட்சியின் தலைமை ஒருங்கிணைப்பாளர் சீமான் பேசினார்.
அப்போது பேசிய அவர்,
இனிவரும் காலங்களிலும் தனித்து தான் நாம்தமிழர் கட்சி போட்டியிடும்.பாஜகவின் உண்மையான பி டீம் திமுக தான். சிறுபான்மையினரின் பாதுகாவலர் என்கிற திமுக சிறுபான்மையினருக்கு தேர்தலில் குறைவான இடங்களே கொடுத்துள்ளது. 1998 தேர்தலில் அதிமுகவுடன் முதலில் கூட்டணி வைத்தது ஜெயலலிதா. 1999 தேர்தலில் தோள் கொடுத்து தூக்கியது திமுக எனவும், ஐந்து ஆண்டுகள் முழுமையாக பாஜக ஆட்சி செய்ய திமுக தான் காரணம் எனவும் அவர் தெரிவித்தார்.
திருடன் கூட்டத்தில் மாட்டிக் கொள்ளாமல் இருக்க திருடன், திருடன் என கத்துவது போல பி டீம் என திமுக சொல்கிறது.திமுக போன்ற நாடகக்காரர்களை உலகத்தில் பார்க்க முடியாது. எத்தனை முறை நட்டா வந்தாலும், பாஜக நோட்டாவிற்கு கீழ் தான் இருக்கும் எனவும், நாம் தமிழருக்கு வாக்களிப்பதால் பாஜக வந்துவிடும் என அஞ்சும் கோழைகள் வாக்களிக்க வேண்டாம். நாங்கள் இருக்கும் வரை பாஜக வராது என நம்புபவர்கள் எனக்கு வாக்களியுங்கள் எனவும் அவர் கூறினார்.
பாஜகவுடன் அதிமுக நல்ல உறவு கொண்டுள்ளது. திமுக கள்ள உறவு கொண்டுள்ளது எனவும், தமிழன் உடம்பில் படர்தாமரை வளருமே தவிர, தமிழ் நிலத்தில் தாமரை மலராது எனவும் அவர் தெரிவித்தார். தேர்தலுக்கு பிறகு பாஜகவுடன் சேரமாட்டேன் என திமுக சொல்லுமா எனக் கேள்வி எழுப்பிய அவர், ஜெயலலிதா மறைவிற்கு பிறகு அதிமுக கட்சியையும், ஆட்சியையும் பாஜக பயன்படுத்திக் கொண்டது எனத் தெரிவித்தார்.
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
கோவை ஜி.கே.என்.எம். மருத்துவமனை சார்பாக செப்.28 ம் தேதி ‘ரன் ஃபார் லிட்டில் ஹார்ட்ஸ்’ மாராத்தான்
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
For English News
