September 14, 2017 
தண்டோரா குழு
தமிழக அரசின் வருவாய்துறை பெயர் மாற்றம் செய்யப்பட்டுள்ளது.
தமிழக அரசின் வருவாய்துறை பெயரை, வருவாய் மற்றும் பேரிடர் மேலாண்மை துறை என பெயர் மாற்றம் செய்து அரசாணையை தமிழக அரசு வெளியிட்டுள்ளது.
கடந்த 2004-ஆம் ஆண்டு சுனாமி தாக்கிய பின்னர் பேரிடரால் பாதிக்கப்பட்டவர்களுக்கு நிவாரணம் மற்றும் மறுவாழ்வு வழங்கும் பணிகளில் வருவாய் துறை இருந்தது. அதன் பின்னர் வருவாய் துறை சார்பில் பேரிடர் மேலாண்மை ஆணையம் உருவாக்கப்பட்டது.
மேலும், நாட்டில் உள்ள பல்வேறு மாநிலங்களில் வருவாய்துறை என்பது வருவாய் மற்றும் பேரிடர் மேலாண்மை துறை என அழைக்கப்படுகிறது.இந்நிலையில் முக்கியமான பணிகளை ஆற்றி வரும் வருவாய்துறையின் பெயரை தமிழகத்திலும் வருவாய் மற்றும் பேரிடர் மேலாண்மை துறை என மாற்ற பரிந்துரைக்கப்பட்டது.
இதனையடுத்து,தமிழக அரசின் வருவாய்துறை பெயரை, வருவாய் மற்றும் பேரிடர் மேலாண்மை துறை என பெயர் மாற்றம் செய்து அரசாணையை தமிழக அரசு வெளியிட்டுள்ளது.
For English News
