November 24, 2018 
தண்டோரா குழு
தமிழகத்தில் 13 சிறைகளில் உள்ள கைதிகளுக்கு அரசு காப்பீட்டு திட்டங்களின் கீழ் இன்சூரன்ஸ் அமைக்கப்பட உள்ளது. இதுவரை 1,133 பேர் பிரதான் மந்திரி சுரக்சா பிமா யோஜனா மற்றும் பிரதான் மந்திரி ஜீவன் ஜோதி பிமா யோஜனா ஆகிய இரு மத்திய அரசு காப்பீட்டு திட்டங்களில் சேர்ந்துள்ளனர்.
இந்நிலையில், தமிழகத்தில் உள்ள 13 மத்திய சிறைகளில் உள்ள கைதிகளை அரசின் காப்பீட்டுத் திட்டத்தில் சேர்க்க சிறைத்துறை முடிவு செய்துள்ளது. சிறைக் கைதிகளுக்கு காப்பீடு திட்டத்தை தமிழக அரசு அமல்பபடுத்துவது இதுவே முதல் முறையாகும். இதன் மூலம் தமிழக சிறைகளில் உள்ள பெரும்பாலான கைதிகளுக்கு பிரதான் மந்திரி சுரக்சா பிமா யோஜனா மற்றும் பிரதான் மந்திரி ஜீவன் ஜோதி பிமா யோஜனா ஆகிய இரு மத்திய அரசு காப்பீட்டு திட்டங்களின் முலம் பலன் கிடைக்கும். இந்த காப்பீட்டில் இறப்புக் காப்பீடு, விபத்துக் காப்பீடு மற்றும் ஊனமுற்றோருக்கான காப்பீடு ஆகியவை அடங்கும். மேலும் தமிழகத்தில் உள்ள 13 மத்திய சிறையில் சுமார் 3,600 கைதிகள் அடுத்த 20 நாட்களில் இந்தக் காப்பீட்டுத் திட்டத்தில் சேர்க்கப்படுவார்கள் என்றும் கூறப்பட்டுள்ளது.
தமிழகத்தில் உள்ள 13 மத்திய சிறைச்சாலைகளில் உள்ள ஆயுள் தண்டனை மற்றும் அதற்கும் குறைவான சிறை தண்டனை பெற்ற கைதிகள் இந்தக் காப்பீட்டைப் பெறுவார்கள் என்றும் சிறைத்துறை தெரிவிக்கிறது. இதுவரை 1,133 பேர் இந்தக் காப்பீட்டு திட்டங்களில் சேர்ந்துள்ளனர் எனவும் கூறியுள்ளது.
For English News
