March 9, 2017 
தண்டோரா குழு
தமிழகத்தில் மேலடுக்குச் சுழற்சி காரணமாக வியாழக்கிழமை சில இடங்களில் மழை பெய்ய வாய்ப்புள்ளதாக வானிலை ஆய்வு மையம் அறிவித்துள்ளது.
இது தொடர்பாக சென்னை வானிலை ஆய்வு மைய அதிகாரிகள் கூறுகையில்,
“குமரிக் கடல் அருகே நிலை கொண்டிருந்த காற்றழுத்தத் தாழ்வுநிலை, தற்போது வலுவிழந்து காற்றின் மேலடுக்கு சுழற்சியாக மாறியுள்ளது. தற்போது லட்சத்தீவு அருகே நிலை கொண்டுள்ள இந்த காற்றழுத்தத் தாழ்வுநிலையால் தமிழகம் மற்றும் புதுச்சேரியில் ஒரு சில இடங்களில் மழை பெய்ய வாய்ப்பு உள்ளது. சென்னையைப் பொறுத்தவரை வானம் மேகமூட்டத்துடன் காணப்படும்” என்று கூறினர்.
For English News
