ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

தடையில்லா உலகளாவிய வங்கி பரிவர்த்தனைகளுக்கு அந்நியச் செலாவணி சேவைகள், வெளிநாட்டு நாணய பரிவர்த்தனை கணக்கு: உஜ்ஜீவன் ஸ்மால் பைனான்ஸ் வங்கி அறிமுகம்

December 30, 2025

தண்டோரா குழு

சர்வதேச அளவில் வங்கி சேவைகளை விரிவுபடுத்தும் வகையில் தடையில்லா உலகளாவிய வங்கி பரிவர்த்தனைகளுக்கு ‘அந்நியச் செலாவணி சேவைகள்’ மற்றும் ஏற்றுமதியாளர்கள், சுய தொழில் செய்பவர்கள் மற்றும் பண பரிமாற்று நிறுவனங்கள் போன்ற அந்நியச் செலாவணி ஈட்டுபவர்களுக்கு ‘வெளிநாட்டு நாணய பரிவர்த்தனை கணக்கு’ ஆகியவற்றை உஜ்ஜீவன் ஸ்மால் பைனான்ஸ் வங்கி இன்று அறிமுகம் செய்தது.

உலக அளவில் வர்த்தக பரிவர்த்தனைகளில் ஈடுபடும் தனிநபர்கள் மற்றும் வணிகங்களின் பல்வேறு தேவைகளைப் பூர்த்தி செய்யும் வகையில் நவீன, பாதுகாப்பான மற்றும் எளிமையான வங்கித் தீர்வுகளை வழங்கும் இதன் உறுதிப்பாட்டை வெளிப்படுத்தும் வகையில் இந்த புதிய வங்கி சேவைகளை உஜ்ஜீவன் வங்கி துவக்கி உள்ளது.புதிதாக அறிமுகப்படுத்தப்பட்ட அந்நியச் செலாவணி சேவைகள், வாடிக்கையாளர்கள் வெளிநாட்டிலிருந்து வெளிநாட்டு பணத்தை பெறுதல், உலகளவில் பணத்தை அனுப்புதல் சேவை மற்றும் பல்வேறு நாட்டு பணத்திற்கான கணக்குகளை வைத்திருப்பதற்கான வெளிநாட்டு நாணய வைப்பு உள்ளிட்ட பல்வேறு சர்வதேச வங்கி தீர்வுகளை கொண்டுள்ளது.

போட்டித்தன்மை வாய்ந்த பண மாற்று விகிதங்கள், வேகமான செயலாக்கம் மற்றும் பயிற்சி பெற்ற அந்நிய செலாவணி நிபுணர்களின் அர்ப்பணிப்புள்ள உதவி ஆகியவற்றிலிருந்து வாடிக்கையாளர்கள் பயன் அடைவதோடு, ஒவ்வொரு சர்வதேச பரிவர்த்தனையும் திறமையாகவும் வெளிப்படையாகவும் இருப்பதை உறுதிசெய்ய முடியும்.மேலும் அந்நியச் செலாவணி சேவைகளுக்கு உதவிடும் வகையில், வெளிநாட்டு நாணய பரிவர்த்தனை கணக்கும் அறிமுகம் செய்யப்பட்டு உள்ளது.

இதன் மூலம் ஏற்றுமதியாளர்கள் சம்பாதிக்கும் வெளிநாட்டு பணத்தை உடனடியாக இந்திய ரூபாயாக மாற்றாமல் தங்கள் அந்நிய செலாவணி வருவாயை வைத்திருக்கவும் நிர்வகிக்கவும் ஒரு வசதியான வழியை வழங்குகிறது. இந்த வசதி, எதிர்கால வணிகம் அல்லது பயணத் தேவைகளுக்காக வெளிநாட்டு பணப்புழக்கத்தைப் பராமரிக்கும் அதே வேளையில், நாணய ஏற்ற இறக்கங்களுக்கு எதிராக வாடிக்கையாளர்களுக்கு பாதுகாப்பு அளிக்கிறது. அந்நியச் செலாவணி மேலாண்மைச் சட்ட வழிகாட்டுதல்களுக்கு இணங்க, வணிக கொடுப்பனவுகள், பயணம் மற்றும் வர்த்தகம் தொடர்பான செலவுகள் போன்ற அனுமதிக்கப்பட்ட பரிவர்த்தனைகளுக்கு இந்த வங்கி கணக்கை வாடிக்கையாளர்கள் பயன்படுத்த முடியும்.

புதிய அறிமுகம் குறித்து உஜ்ஜீவன் வங்கியின் சில்லறை வர்த்தக பொறுப்புகள் துறைத் தலைவர் ஹிதேந்திர ஜா கூறுகையில்,

அந்நியச் செலாவணி சேவைகள் மற்றும் வெளிநாட்டு நாணய பரிவர்த்தனை கணக்கை அறிமுகப்படுத்துவதன் மூலம், வாடிக்கையாளர்களுக்கு முழுமையான சர்வதேச வங்கி சேவைகளை வழங்குவதை நோக்கமாகக் கொண்டுள்ளோம். தனிநபர்கள் மற்றும் வணிக நிறுவனங்களுக்கு உலகளாவிய பரிவர்த்தனைகளை எளிதாக்குதல், நம்பகமான டிஜிட்டல் தளத்தின் மூலம் பரிவர்த்தனைகளை மேற்கொள்ளுதல், வெளிப்படைத்தன்மை மற்றும் வசதியை வழங்குதல் என்ற எங்கள் தொலைநோக்குப் பார்வையை கருத்தில் கொண்டு இந்த சேவைகளை நாங்கள் அறிமுகம் செய்துள்ளோம்.

இந்த சேவைகள் சர்வதேச வர்த்தகத்தில் ஈடுபட்டுள்ள ஏற்றுமதியாளர்கள் மற்றும் வணிக நிறுவனங்கள், வெளிநாட்டு பணத்தை சம்பாதிக்கும் தொழில்முனைவோர் மற்றும் தொழில்நுட்ப நிபுணர்கள், வெளிநாடு வாழ் இந்தியர்கள், உலக அளவில் வர்த்தகம் செய்யும் சிறு மற்றும் நடுத்தர நிறுவனங்கள் மற்றும் வெளிநாட்டு பணம் தேவைப்படும் பயணிகளுக்காக துவக்கப்பட்டு உள்ளது. வாடிக்கையாளர் அனுபவத்தை மேம்படுத்துவதிலும், இந்தியாவின் வளர்ந்து வரும் எல்லை தாண்டிய வர்த்தகம் மற்றும் பணம் அனுப்பும் சுற்றுச்சூழல் அமைப்பில் புதியதொரு மாற்றத்தை இந்த சேவைகள் ஏற்படுத்தும் என்று தெரிவித்தார்.

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்