May 11, 2023 
தண்டோரா குழு
கோவை தடாகம் சாலையில் அரை மணி நேரம் மழைக்கே சாலைகள் வெள்ளக்காடாக மாறியதால் சாலை எது பள்ளம் எது என தெரியாமல் வாகன ஓட்டிகள் கடும் சிரமத்திற்கு உள்ளாகினர்.
கோவை மாநகராட்சிக்குட்பட்ட தடாகம் சாலையில் வெங்கிட்டாபுரம் முதல் கே என் ஜி புதூர் வரை கடந்த ஆறு மாத காலத்திற்கும் மேலாக குடிநீர் குழாய் அமைக்கும் பணிகள் மற்றும் பிற பணிகளுக்காக சாலைகள் தோண்டப்பட்டு மீண்டும் மூடப்படாமல் இருந்து வருகிறது. இந்த சாலையை சீரமைக்க கோரி பலமுறை பொதுமக்கள் கோரிக்கை விடுத்திருந்த போதும் அடுத்தடுத்து பணிகள் மட்டுமே மேற்கொள்ளப்பட்டு வரும் நிலையில், சாலைகள் செப்பனிடப்படாததால் சேதம் அடைந்து கடுமையாக போக்குவரத்து நெரிசல் நிலவி வருகிறது.
தினம்தோறும் ஆயிரக்கணக்கான வாகனங்கள் இந்த வழியாக சென்று வரும் நிலையில் சேதமான சாலைகளில் செல்ல முடியாமல் வாகன ஓட்டிகளும் பாதசாரிகளும் பெறும் சிரமத்திற்கு ஆளாகி வருகின்றனர். இதனிடையே தற்போது கோடை மழை மாலை வேலைகளில் பெய்து வருவதால் ஏற்கனவே சேதமான சாலைகள் அடிக்கடி வெள்ளைக்காடாக மாறிவிடுகின்றன. சமீபத்தில் இப்பகுதியில் சாக்கடை அமைக்கும் பணி நடைபெற்று நிறைவடைந்துள்ளது.
இருப்பினும் பல இடங்களில் முழுமையாக இந்த பணிகள் நிறைவடையாததால் மழைக்காலங்களின்போது சாக்கடை நீர் வெளியேறி மழை நீருடன் கலந்து சாலையில் வெள்ளமாக ஓடுவது வாடிக்கையாக இருந்து வருகிறது. இந்த நிலையில் இன்று மாலை திடீரென சுமார் அரை மணி நேரம் மழை பெய்தது. இதன் காரணமாக இடையர்பாளையம் பகுதியில் மழை நீர் வெள்ளமாக ஓடியது. இந்த மழை நீருடன் சாக்கடை நீரும் கலந்து ஓடியதால் கடும் துர்நாற்றம் வீசியது. இதனிடையே குழந்தைகளை அழைத்து வந்த பெண்கள் மற்றும் இருசக்கர வாகன ஓட்டிகள் சாலை எது பள்ளம் எது என தெரியாத அளவிற்கு கடுமையாக பாதிக்கப்பட்டனர்.
சாலையில் ஆறு உருவாகிவிட்டதோ என அஞ்சும் அளவிற்கு மழை நீர் வெள்ளமாக ஓடியதால் வாகன ஓட்டிகள் பெரும் சிரமத்திற்கு ஆளாகினர். குறிப்பாக சாலையோரம் நடந்து செல்ல முடியாத நிலை இருப்பதால் பாதசாரிகள் சாக்கடை நீர் கலந்த மழை நீரில் முட்டி அளவு தண்ணீரில் சிரமத்துடன் கடந்து சென்றனர். இந்த சாலையை சீரமைக்க வேண்டும் என பலமுறை கோரிக்கை விடுத்தும் இதுவரை அரசு உரிய நடவடிக்கை எடுக்காததால் தொடர்ந்து மழைக் காலங்களின் போது பெரும் இன்னலுக்கு ஆளாவதாக இப்பகுதியைச் சேர்ந்த பொதுமக்கள் அதிருப்தி தெரிவித்து வருகின்றனர்.
சாலை பணிகளை விரைவாக முடித்து புதிய சாலை அமைக்க அரசு நடவடிக்கை எடுக்க வேண்டும் என இப்பகுதியைச் சேர்ந்த பொதுமக்கள் அரசுக்கு கோரிக்கை விடுத்துள்ளனர்.
6 மாநிலங்களில் களைகட்டிய ஈஷா கிராமோத்சவம் இரண்டாம் கட்டப் போட்டிகள் -பெங்களூருவில் சத்குருவுடன் ராபின் உத்தப்பா பங்கேற்பு
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
For English News
