July 5, 2017 
தண்டோரா குழு
லக்சம்பேர்க் நாட்டு வீராங்கனை நாலரை மாதம் கர்ப்பத்துடன் விம்பிள்டன் டென்னிஸ் போட்டியில் கலந்துக்கொண்டு ரசிகர்களின் பாராட்டை பெற்றுள்ளார்.
லக்சம்பேர்க் நாட்டை சேர்ந்த மாண்டி மினெல்லா. 31 வயதான இவர் நாலரை மாதம் கர்ப்பத்துடன் விம்பிள்டன் டென்னிஸ் போட்டியில் கலந்துக்கொண்டு, இத்தாலி நாட்டின் வீராங்கனை பிரான்செஸ்கா ஸ்கியாவோனேவை எதிர்த்து விளையாடினார். ஆனால் 6-1 6-1 என்னும் செட் கணக்கில் தோல்வி அடைந்தார்.
உலகின் 82-வது இடத்திலிருக்கும் அவர், அவருடைய கணவரும் பயிற்சியாளருமான டிம் சொம்மர் அவருடைய வயிற்றில் முத்தமிடுவதுபோல் இருக்கும் புகைப்படத்தை தனது பேஸ்புகில் செவ்வாய்க்கிழமை பதிவிட்டிருந்தார்.
மேலும் “இவ்வாண்டிற்கான விம்பிள்டன் போட்டி தான் என்னுடைய கடைசி விளையாட்டு” என்றும் தெரிவித்துள்ளார்.
உலக சாம்பியன் செரீனா வில்லியம்ஸ் தனது முதல் குழந்தை செப்டம்பர் மாதம் பிறக்க இருப்பதால், அவர் இந்த ஆண்டு விம்பிள்டன் போட்டியில் கலந்துக்கொள்ளவில்லை.
முன்னால் உலக நம்பர் 1 சாம்பியனாக இருந்த அசரென்கா, கடந்த டிசம்பர் மாதம் அவருடைய மகன் லியோ பிறந்த பின்னர், டென்னிஸ் போட்டியில் மீண்டும் கலந்துக்கொள்ள தொடங்கியுள்ளார் என்பது குறிப்பிடத்தக்கது.
For English News
