November 12, 2019 
தண்டோரா குழு
உணவு பாதுகாப்புத்துறை மற்றும் நுகர்வோர் அமைப்புகள் சார்பில் டிரான்ஸ் கொழுப்பை குறைப்பது குறித்து பள்ளி மாணவர்களுக்கான விழிப்புணர்வு நிகழ்ச்சி இன்று நடைபெற்றது.
கொழுப்பு அமிலங்கள் நன்மை செய்பவை மற்றும் தீமை செய்பவை என்று இரு வகைகளாகப் பிரிக்கப்பட்டு உள்ளது. தீமை செய்யும் கொழுப்பு அமிலங்கள் ட்ரான்ஸ் கொழுப்புகள் என்று வகைப்படுத்தப்பட்டுள்ளன. இந்த தேவையற்ற கொழுப்பினால் இந்தியாவில் ஆண்டுக்கு சுமார் 60 ஆயிரம் பேர் வரை உயிரிழந்து வருகின்றனர். இந்த நிலையில், டிரான்ஸ் கொழுப்பு நிறைந்த உணவு பண்டங்களை தவிர்ப்பது மற்றும், டிரான்ஸ் கொழுப்பை குறைப்பது குறித்து பொதுமக்களிடையே அரசு விழிப்புணர்வை ஏற்படுத்தி வருவதோடு, வரும் 2020ம் ஆண்டுக்குள் இந்தியாவை டிரான்ஸ் கொழுப்பு இல்லாத நாடாக மாற்ற வேண்டும் என்று உணவு பாதுகாப்புத்துறை இலக்கு நிர்ணயித்துள்ளது.
இந்த சூழலில் உணவு பாதுகாப்புத்துறை, சிட்டிசன் கன்ஸ்யூமர் அண்ட் சிவிக் ஆக்சன் குரூப் மற்றும் கோவை சிட்டிசன் வாய்ஸ் கிளப் ஆகிய நுகர்வோர் அமைப்புகள் இணைந்து பள்ளி மாணவர்களுக்கு விழிப்புணர்வு நிகழ்ச்சியை நடத்தினர். அவினாசி சாலையில் உள்ள ரங்கம்மாள் பள்ளியில் நடைபெற்ற இந்த நிகழ்ச்சியில் கோவை மாவட்ட உணவு பாதுகாப்பு துறை நியமன அலுவலர் தமிழ்ச்செல்வன் கலந்துகொண்டு ட்ரான்ஸ் கொழுப்புகள் குறித்தும் டிரான்ஸ் கொழுப்பு உள்ள உணவுகளை தவிர்ப்பது குறித்தும், பிளாஸ்டிக் உபயோகத்தை தவிர்ப்பது குறித்தும் மாணவர்களிடையே பேசினார்.இதில் 100க்கும் மேற்பட்ட மாணவர்கள், சிட்டிசன் கன்ஸ்யூமர் அண்ட் சிவிக் ஆக்சன் குரூப் அமைப்பை சேர்ந்த சவிதா திருநாவுக்கரசு மற்றும் கீர்த்தனா தங்கவேல் ஆகியோரும், கோவை சிட்டிசன் வாய்ஸ் கிளப் அமைப்பின் நிறுவனர் ஜெயராமன் ஆகியோர் கலந்து கொண்டனர்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
