September 17, 2021 
தண்டோரா குழு
கோவை -திருப்பூர் இடையே சோமனூர் பகுதி ரயில்வே பாதையில், பொறியியல் பணிகள் மேற்கொள்ளப்படுவதால், கோவை ரயில்கள் செப்டம்பர் 25,26 தேதிகளில் பகுதியாக ரத்து செய்யப்படுவதாகத் தெரிவிக்கப்பட்டுள்ளது.
இதுகுறித்து, சேலம் கோட்ட ரயில்வே நிர்வாகம் வெளியிட்டுள்ள செய்திக்குறிப்பில்
லோகமான்யா திலக் – கோவை சிறப்பு ரயில் செப்டம்பர் 23, 24 மற்றும் 30 தேதிகளில் லோகமான்யா திலக் நிலையத்தில் புறப்பட்டு, செப்டம்பர் 25, 26 மற்றும் அக்டோபர் 2 ஆம் தேதிகளில் கோவை நிலையத்தை அடைய வேண்டும். ஆனால், கோவை -திருப்பூர் இடையே சோமனூர் பகுதியில் ரயில்வே பாதையில் பொறியியல் பணிகள் மேற்கொள்ளப்படுவதால், செப்டம்பர் 25, 26 மற்றும் அக்டோபர் 2 ஆம் தேதிகளில் ஈரோடு- கோவை இடையே இந்த ரயில் பகுதியாக ரத்து செய்யப்படுகிறது.
கோவை – லோகமான்யா திலக் ரயில் செப்டம்பர் 25,26, அக்டோபர் 2 தேதிகளில் கோவை – ஈரோடு இடையே பகுதியாக ரத்து செய்யப்படுகிறது. அந்த நாள்களில், இந்தச் சிறப்பு ரயிலானது, ஈரோடு நிலையத்தில் காலை 10.30 மணிக்கு லோகமான்யா திலக் நிலையத்துக்கு புறப்பட்டுச் செல்லும். கோவை – நாகர்கோயில் சிறப்பு ரயில் செப்டம்பர் 25,26 தேதிகளில் கோவை – திருப்பூர் இடையே பகுதியாக ரத்து செய்யப்படுகிறது. அந்த நாள்களில், இந்தச் சிறப்பு ரயிலானது, திருப்பூர் நிலையத்தில் இருந்து 8.50 மணிக்கு நாகர்கோவிலுக்கு புறப்பட்டுச் செல்லும். பாலக்காடு டவுன் – திருச்சிராப்பள்ளி சிறப்பு ரயில்
செப்டம்பர் 25, 26 ஆகிய தேதிகளில் பாலக்காடு டவுன் – ஈரோடு இடையே பகுதியாக ரத்து செய்யப்படுகிறது. அந்த நாள்களில்,க இந்தச் சிறப்பு ரயிலானது, ஈரோடு நிலையத்தில் இருந்து காலை 10.30 மணிக்கு திருச்சிராப்பள்ளி நிலையத்துக்கு புறப்பட்டுச் செல்லும் என அதில் தெரிவிக்கப்பட்டுள்ளது.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
