August 21, 2023 
தண்டோரா குழு
உலக மக்களை வியக்கவைக்கும் அளவிற்கு தொழில் நுட்பம் நன்கு வளர்ச்சி அடைந்து கொண்டே இருக்கிறது. செயற்கை நுண்ணறிவு (Artificial Intelligence (AI)) பற்றிய செய்திகள் சமீபகாலமாக அதிகமாக கேள்விப்படுகிறோம். இன்னும் சில வருடங்களில் செயற்கை நுண்ணறிவுதான் உலகை ஆளப்போகிறது என்ற அளவிற்கு பேசப்படுகின்றது. அனைத்து துறைகளிலும் இதன் பயன்பாடு முக்கிய பங்கு வகிக்கிறது.
செயற்கை நுண்ணறிவு மற்றும் அதனுடன் தொடர்புடைய புதுமையான தொழில் நுட்பங்களின் உதவியுடன், சுகாதாரத்துறை படிப்படியாக வலுவான வளர்ச்சி காண்கின்றது.இக்கருத்தை மையமாகக் கொண்டு, பூ .சா .கோ செவிலியர் கல்லூரி,மனநல மருத்துவ துறையில் AIயின் புதுமையான பங்களிப்புகளை பகிர்வதற்கு 21.08.2023 அன்று “செயற்கை நுண்ணறிவு: உலகளாவிய மனநலத்தில் முன்னணி மாற்றங்கள்”என்ற தலைப்பில் (ஆன்லைன் மற்றும் ஆஃப்லைன் முறையில் ) மாநாட்டை நடத்தியது. மாநாட்டுக்கு சர்வதேச மற்றும் தேசிய பேச்சாளர்கள் அழைக்கப்பட்டனர்.
பேராசிரியர் டாக்டர் அ.ஜெயசுதா, கல்லூரி முதல்வர் , நாட்டின் பல்வேறு பகுதிகளில் இருந்துவந்திருந்த அனைத்து பிரமுகர்கள் மற்றும் பிரதிநிதிகளை முறைப்படி வரவேற்று, கருப்பொருளை வெளியிட்டார்.
பூ.சா.கோ. செவிலியர் கல்லூரியின் மனநல செவிலியர் துறை பேராசிரியர் டாக்டர்.எம்.பாஸ்கரன்,செயற்கை நுண்ணறிவு மற்றும் உலகளாவிய மனநல ஆரோக்கியத்தின் மதிப்பீட்டை கண்டறியும் துல்லியத்தை மேம்படுத்துதல், தரமான சிகிச்சையை வழங்குதல் ஆகியவற்றின் மேலோட்டத்தை விளக்கினார். டாக்டர் ஷில்பாடெரன்ஸ்,குழந்தைகள் மற்றும் டீன்ஏஜ் வழிகாட்டுதல் நிபுணர், கோயம்புத்தூர், இளம் பருவ மனநலத்தில் செயற்கை நுண்ணறிவு குறித்து விவாதித்தார்.வளர்ந்துவரும் AI தொழில் நுட்பங்களை பற்றி அவர் உரையாற்றினார்.
பேராசிரியர் டாக்டர் லதாவெங்கடேசன், நர்சிங் கல்லூரி முதல்வர், எய்ம்ஸ், புதுதில்லி, பெண்களின் மன ஆரோக்கியத்தில் AI பற்றி விவாதித்தார். பெண்களின் மனநல ஆரோக்கியத்தை மேம்படுத்துவதில் AIயின் பல்வேறு பயன்பாட்டை அவர் சுட்டிக்காட்டினார். டாக்டர் ராமமூர்த்தி, செவிலியர் அதிகாரி, ஜிப்மர், புதுச்சேரி, முதியோர் மனநலத்தில் AI பற்றிய தனது நுண்ணறிவைப் பரப்பினார். முதியயோர்களின் மனநிலையை மிகவும் துல்லியமாகவும் திறமையாகவும் மதிப்பிட உதவும் AIயில் இயங்கும் கருவிகளை அவர் எடுத்துரைத்தார்.
டாக்டர் .ஜி.ரகுதமன், பேராசிரியர் மற்றும் துறைத்தலைவர், பூ. சா. கோ. மருத்துவ கல்லூரி மற்றும் ஆராய்ச்சி நிறுவனம், கோயம்புத்தூர், மனநோயில் AI யின்பங்களிப்பைப் பற்றி பகிர்ந்துகொண்டார். பஹ்ரைன்பல்கலைக் கழகத்தின் உடல்நலம் மற்றும் விளையாட்டு அறிவியல் கல்லூரியின் விரிவுரையாளர் திருமதி. ஜி. நிர்மலா, மனநல செவிலியர்கள் எதிர்கொள்ளும் முக்கிய சவால்கள் மற்றும் ஊழியர்களின் நல்வாழ்வு நடவடிக்கைகள், பணியாளர்களை தக்கவைத்தல், தரமான பராமரிப்பை மேம்படுத்துதல் மற்றும் உறுதிப்படுத்துதல் ஆகியவற்றைப் பற்றி அவர் உரையாற்றினார்.
சுமார் 715 பிரதிநிதிகள்( இளங்கலை மற்றும் முதுகலை செவிலியப் பட்டதாரி மாணவமாணவிகள், செவிலியர்கள், செவிலியர் கல்வியாளர்கள் மற்றும் ஆராய்ச்சி அறிஞர்கள்) கலந்து கொண்டு பயனடைந்தனர். தொற்று நோய்கள் மற்றும் தொற்று நோய்களை எதிர்த்துப் போராடுவதற்கான ஒரு கருவியாக உலகளாவிய பொது சுகாதாரத்தில் முக்கிய பங்கு வகிக்கும் மனநலப் பராமரிப்பில் AIயின் பயன்பாடுகள் பற்றிய பரந்த நுண்ணறிவைப் பெற இந்த மாநாடு பிரதிநிதிகளுக்கு உதவியது.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
