April 19, 2018 
தண்டோரா குழு
சென்னையில் பெண் மருத்துவரிடம் நகையை பறித்து சென்ற கொள்ளையனை துரத்திப் பிடித்த சிறுவனுக்கு,காவல்துறை ஆணையர் ஏ.கே.விஸ்வநாதன் இன்று நேரில் பாராட்டு தெரிவித்தார்.
சென்னை அண்ணாநகரில் அமுதா என்ற மருத்துவர்,மிண்ட் என்ற பெயரில் கிளினிக் ஒன்றை வைத்துள்ளார்.இந்நிலையில் நேற்று இரவு அங்கு வந்த இளைஞர் ஒருவர் நோயாளியைப்போல் நடித்து அமுதாவின் கழுத்தில் இருந்த தங்கச் சங்கிலியை பறித்து கொண்டு ஓடினார்.அப்போது அமுதா சத்தம் கேட்டு தெருவில் நின்று கொண்டிருந்த சூர்யா என்ற சிறுவன்,தனது நண்பரின் உதவியுடன் கொள்ளையனை மடக்கி பிடித்தார்.
இதையடுத்து,கொள்ளையனை மடக்கி பிடித்த சிறுவனை இன்று நேரில் அழைத்து சென்னை காவல்துறை ஆணையர் ஏ.கே.விஸ்வநாதன்,பாராட்டு தெரிவித்தார்.சிறுவனுக்கு காவல்துறை சார்பில் சன்மானமும் வழங்கப்பட்டது.
அப்போது பேசிய சிறுவன் சூர்யா,
செயின் பறிப்பில் பல துண்டுகள் கீழே விழுந்ததை பொறுக்கி எடுத்துக்கொண்டே நான் கொள்ளையனை துரத்திச்சென்றேன்.துரத்திச்செல்லும்போதே பொதுமக்களையும் உதவிக்கு அழைத்துக்கொண்டே ஓடினேன்.ஆனால்,பொதுமக்கள் வேடிக்கை பார்க்கிறார்களே தவிர உதவிக்கு யாரும் வரவில்லை, பின்னர் காலரைப் பிடித்து காலை தட்டிவிட்டு முகத்தில் இரண்டு குத்து விட்டவுடன் அவர் தடுமாறிவிட்டார்.
பின்னர் போலீஸுக்கு புகார் அளித்தேன்.போலீஸார் வந்தவுடன் அவரை ஒப்படைத்தேன். பொதுமக்கள் எல்லோரும் வேடிக்கைதான் பார்த்தார்களே தவிர யாரும் உதவ முன்வரவில்லை.போலீஸ் வந்தபின்னர் சுற்றி நின்றவர்கள் போட்டோ எடுக்கத்தான் ஆர்வம் காட்டினார்ர்களே தவிர நான் போராடியபோது பிடிக்க வரவில்லை.கொள்ளையனை பிடித்தபோது எனக்கு பயம் ஏற்படவில்லை என தெரிவித்தார்.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
