May 28, 2022 
தண்டோரா குழு
கோவை சிங்காநல்லூர் காமராஜர் சாலையில் தினமும் நூற்றுக்கணக்கான வாகனங்கள் சென்று வருகின்றன.இந்த சாலையின் இருபுறமும் ஆக்கிரமிப்புகள் அதிகரித்து மக்கள் அவதியடைந்து வந்தனர்.
இதையடுத்து, இச்சாலையில் ஆக்கிரமிப்புகளை அகற்ற அதிகாரிகள் முடிவு செய்தனர். அதன்படி, நேற்று நெடுஞ்சாலை கட்டுமானம் மற்றும் பராமரிப்பு கோட்ட பொறியாளர் மாதேஸ்வரன் தலைமையில் உதவி கோட்ட பொறியாளர்கள் பசும்பொன்,ஆறுமுகம் மற்றும் மாநகராட்சி ஊழியர்கள் ஆக்கிரமிப்புகளை அகற்றும் பணியில் ஈடுபட்டனர்.
இதில்,கடைகளுக்கு முன் ஆக்கிரமித்து கட்டப்பட்டிருந்த இடங்கள் பொக்லைன் இயந்திரம் மூலம் இடித்து அகற்றப்பட்டன. மேலும், சாலையோர கடைகள் மற்றும் ஆக்கிரமிப்புகள் அகற்றப்பட்டன.
For English News
