October 4, 2021 
தண்டோரா குழு
கோவை மாநகராட்சிக்குட்பட்ட பகுதிகளில் 5 ஆயிரத்திற்கும் மேற்பட்ட தெருக்கள் உள்ளன. கொரோனா இரண்டாவது அலையின் போது மாநகராட்சி சார்பாக கொரோனாவை கட்டுப்படுத்த பல்வேறு நடவடிக்கைகள் எடுக்கப்பட்டன. அதன் படி வீடு வீடாக சளி, காய்ச்சல் மற்றும் ஆக்சிஜன் அளவு கண்டறியும் பணி முழு வீழ்ச்சில் துவங்கப்பட்டு தற்போது வரை தொடர்ந்து நடைபெற்று வருகிறது.
கொரோனா பரவல் உச்சத்தில் இருந்த போது நாள் ஒன்றுக்கு 4 ஆயிரம் பேர் வரை பாதிக்கப்பட்டனர். மாநகராட்சிக்குட்பட்ட பகுதிகளில் மட்டும் 2 ஆயிரம் பேர் வரை பாதிக்கப்பட்டனர்.அப்போது மாநகராட்சி சார்பாக சளி, காய்ச்சல் மற்றும் ஆக்சிஜன் அளவு கண்டறியும் பணியில் 4500 பேர் ஈடுபடுத்தப்பட்டனர்.ஒவ்வொரு வார்டிலும் 100 வீட்டுக்கு ஒரு நபர் நியமிக்கப்பட்டு இந்த பணி மேற்கொள்ளப்பட்டது.
தற்போது கொரோனா பாதிப்பு குறைந்து நாள் ஒன்று 200க்கும் குறைவான நபர்களே பாதிக்கப்பட்டு வருகின்றனர்.இந்நிலையில் 500 வீட்டுக்கு ஒரு நபர் நியமிக்கப்பட்டு சளி, காய்ச்சல் கண்டறியும் பணி மேற்கொள்ளப்படுகிறது.
இதுகுறித்து மாநகராட்சி அதிகாரி ஒருவர் கூறுகையில்,
‘‘கோவை மாவட்டத்தில் கொரோனா பாதிப்பு மிகவும் குறைந்து வருகிறது. இதன் காரணமாக மாநகராட்சிக்குட்பட்ட பகுதிகளில் சளி, காய்ச்சல் கண்டறியும் பணியில் 100 வீட்டுக்கு ஒரு நபர் என்கிற நிலையில் தற்போது அது 500 வீட்டுக்கு ஒரு நபராக நியமிக்கப்பட்டு பணி மேற்கொள்ளப்படுகிறது.தினமும் 50 முதல் 60 காய்ச்சல் முகாம்கள் நடத்தப்பட்டு வருகின்றன,’’ என்றார்.
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
கோவையில் நடைபெற்ற மருத்துவர்களுக்கான மாநில அளவிலான கருத்தரங்கு
சுதந்திர தினவிழாவில் சிறந்த இந்திய குடிமகன் எனும் விருதுகள் வழங்கி கௌரவித்த பாரதமாதா அறக்கட்டளை
கோவையை சேர்ந்த எழுத்தாளர் உருவாக்கிய இந்தியாவின் முதல் ‘மிரர் எடிஷன்’ புத்தகம்
ஈஷா மண் காப்போம் மற்றும் எஸ்.ஆர்.எம் பல்கலைக்கழகம் சார்பில் ‘அக்ரி ஸ்டார்ட் அப் திருவிழா 2.O’
PSGR கிருஷ்ணம்மாள் மகளிர் கல்லூரியில் நடைபெற்ற பட்டமளிப்பு விழாவில் 2540 மாணவிகள் பட்டம் பெற்றனர்
For English News
