October 30, 2021 
தண்டோரா குழு
கோவை – மேட்டுப்பாளையம் ரயில் நவம்பர் 1 ஆம் தேதி முதல் துடியலூர், பெரியநாயக்கன்பாளையம் நிலையங்களில் நின்று செல்லும் என தெரிவிக்கப்பட்டுள்ளது.
கோவை – மேட்டுப்பாளையம் இடையே காலை 6 முதல் இரவு 9 மணி வரை தினமும் 5 முறை பயணிகள் ரயிலானது இயக்கப்பட்டு வந்தது. இந்த ரயிலானது, கடந்த ஆண்டு கொரோனோ நோய்த்தொற்று பாதிப்பால் ரத்து செய்யப்பட்டது.
இதைத் தொடர்ந்து,கொரோனா நோய்த்தொற்று குறைந்த நிலையில்,கடந்த ஜூலை மாதம் முதல் மேட்டுப்பாளையத்தில் இருந்து கோவைக்கு காலை 8.20 மணிக்கும், கோவையில் இருந்து மேட்டுப்பாளையத்துக்கு மாலை 5.55 மணிக்கு ஓரு முறை மட்டுமே பயணிகள் ரயில் இயக்கப்பட்டு வருகிறது.
இந்த ரயிலானது,வடகோவை, காரமடை நிலையங்களில் மட்டுமே நிறுத்தப்பட்டது. துடியலூர்,பெரியநாயக்கன்பாளையம் நிலையத்தில் இருந்து கோவைக்கு செல்வோர், கோவையில் இருந்து துடியலூர், பெரியநாயக்கன்பாளையம் பகுதிகளில் உள்ளி நிறுவனங்களில் பணிபுரிவோர், கல்வி நிறுவனங்களில் பயில்வோரின் நலன் கருதியும், கவுண்டம்பாளையம், சுப்பிரமணியம்பாளையம் பிரிவு, பெரியநாயக்கன்பாளையத்தில் மேம்பால கட்டுமானப் பணி நடப்பதால் இருசக்கர, நான்கு சக்கர வாகனங்களில் செல்பவர்கள் அவதிக்குள்ளாகி வரும் நிலையிலும் துடியலூர், பெரியநாயக்கன்பாளையம் நிலையங்களில் ரயிலை நிறுத்த பயணிகள் சார்பில் கோரிக்கை விடுக்கப்பட்டது.
இதைத்தொடர்ந்து,வருகின்ற நவம்பர் 1 ஆம் தேதி முதல் கோவை – மேட்டுப்பாளையம் ரயில் துடியலூர், பெரியநாயக்கன்பாளையம் நிலையங்களில் நின்று செல்லும் என சேலம் கோட்ட நிர்வாகம் தெரிவித்துள்ளது.
கோவையில் நடைபெற்ற மருத்துவர்களுக்கான மாநில அளவிலான கருத்தரங்கு
சுதந்திர தினவிழாவில் சிறந்த இந்திய குடிமகன் எனும் விருதுகள் வழங்கி கௌரவித்த பாரதமாதா அறக்கட்டளை
கோவையை சேர்ந்த எழுத்தாளர் உருவாக்கிய இந்தியாவின் முதல் ‘மிரர் எடிஷன்’ புத்தகம்
ஈஷா மண் காப்போம் மற்றும் எஸ்.ஆர்.எம் பல்கலைக்கழகம் சார்பில் ‘அக்ரி ஸ்டார்ட் அப் திருவிழா 2.O’
PSGR கிருஷ்ணம்மாள் மகளிர் கல்லூரியில் நடைபெற்ற பட்டமளிப்பு விழாவில் 2540 மாணவிகள் பட்டம் பெற்றனர்
25வது ஆண்டு விழாவை, கைலாக், குஷாக் மற்றும் ஸ்லாவியா லிமிடெட் எடிஷன்கள் அறிமுகத்துடன் ஸ்கோடா ஆட்டோ கொண்டாடுகிறது
For English News
