September 10, 2021 
தண்டோரா குழு
தென்னிந்திய பொறியியல் உற்பத்தியாளர்கள் சங்கத்தின் (சீமா) 68-வது ஆண்டு கூட்டம் கோவையில் உள்ள சங்க அலுவலகத்தில் நடைபெற்றது. இக்கூட்டத்தில் சீமாவின் தலைவராக கே.வி.கார்த்திக் மீண்டும் தேர்வு செய்யப்பட்டார். டி.விக்னேஷ், மிதுன் ராமதாஸ், மா.செந்தில்குமார்ஆகியோர் துணைத் தலைவர்களாக தேர்வு செய்யப்பட்டனர்.
பின்னர் நிருபர்களிடம் சீமா தலைவர் கே.வி.கார்த்திக் கூறியதாவது:
ஒரு மாவட்டம், ஒரு தயாரிப்பு திட்டத்தை அறிவித்துள்ள பிரதமர் மோடிக்கும், கோவை மாவட்ட தயாரிப்பாக பம்புகளை தேர்வு செய்துள்ள தமிழக முதல்வர் மு.க.ஸ்டாலினுக்கும் எங்கள் சங்கம் சார்பாக நன்றியை தெரிவித்துக்கொள்கிறோம். இத்திட்டத்தின் கீழ், 150 மாவட்டங்கள் தேர்வு செய்யப்பட்டு, அந்த மாவட்டத்துக்கென தேர்வு செய்யப்பட்ட தயாரிப்பு, சர்வதேச சந்தையில் வெற்றிபெற தேவையான உட்கட்டமைப்பு மற்றும் அனைத்து வசதிகளை உருவாக்க அரசு வழிவகுக்கும்.
சர்வதேச சந்தையில் அதிகரித்து வரும் இந்திய பம்புசெட்டுகளின் தேவையும், இத்திட்டத்தின் கீழ் கிடைக்கப்பெறும் அரசு உதவிகளும், கோவையை உலக பம்புகள் தயாரிப்பு மையமாகமாற்றும் என நம்புகிறேன். தயாரிப்பாளர்களை உள்ளடக்கிய ஏற்றுமதி கூட்டமைப்பை உருவாக்கும் பணியும் துவங்கியுள்ளது. சீமாவின் கீழ் செயல்படப்போகும் இந்த கூட்டமைப்பு மூலம் பம்புசெட்டுகளை சர்வதேச சந்தையில் நேரடியாக விற்பனை செய்ய முயற்சிகள் மேற்கொள்ளப்படும்.
இவ்வாறு அவர் கூறினார்.
கோவை வசந்தவாசல் கவி மன்றத்தின் 30 ஆம் ஆண்டு தொடக்க விழா
ஒப்பணக்கார வீதி தி சென்னை சில்க்ஸில் ஆவணி மாத சுபமுகூர்த்த தினங்களை முன்னிட்டு, திருமண பட்டு பெருவிழாவின் துவக்க விழா
கோவை கரி மோட்டார் ஸ்பீடுவே மைதானத்தில் நடைபெற்ற இந்தியன் ரேசிங் லீக் கார் பந்தய போட்டி !
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
கோவையில் நடைபெற்ற மருத்துவர்களுக்கான மாநில அளவிலான கருத்தரங்கு
சுதந்திர தினவிழாவில் சிறந்த இந்திய குடிமகன் எனும் விருதுகள் வழங்கி கௌரவித்த பாரதமாதா அறக்கட்டளை
For English News
