March 25, 2022 
தண்டோரா குழு
தமிழகத்தில் சென்னை மாநகராட்சிக்கு அடுத்தபடியாக கோவை மாநகராட்சி உள்ளது. மாநகராட்சி பகுதியில் ஏராளமான தொழில் நிறுவனங்கள், கல்வி நிலையங்கள் உள்ளன.
இந்நிலையில் மிகுந்த எதிர்பார்ப்புக்கு இடையே கோவை மாநகராட்சியின் முதல் பட்ஜெட் கூட்டம் மேயர் கல்பனா ஆனந்தகுமார் தலைமையில் அடுத்த வாரம் நடத்த திட்டமிப்பட்டுள்ளது. இதற்கான தேதியை இறுதி செய்யும் பணி தற்போது நடைபெற்று வருகிறது.
இதுகுறித்து மாநகராட்சி அதிகாரி ஒருவர் கூறியதாவது:
கோவை மாநகராட்சியின் பட்ஜெட் தாக்கல் அடுத்த வாரம் செய்யப்பட உள்ளது. இதற்காக மாநகராட்சியின் மொத்த வருவாய் மற்றும் செலவினம் குறித்த அறிக்கை தயார் செய்யப்பட்டு வருகிறது. மாநகராட்சியின் வரி வருவாயில் இருந்து எந்தெந்த திட்டங்களுக்கு எவ்வளவு நிதி ஒதுக்கப்படும் என்று தெரியவரும்.
இதேபோல் மாநகராட்சியின் முதல் மாமன்ற கூட்டம் விரைவில் நடத்தப்பட உள்ளது. இதற்கான அனைத்து ஏற்பாடுகளும் தயார் செய்யப்பட்டு வருகிறது.
இவ்வாறு அவர் கூறினார்.
For English News
