December 6, 2022 
தண்டோரா குழு
கோவை ரேஸ்கோர்ஸ் பகுதியில் உள்ள சி.எஸ்.ஐ பிஷப் அப்பாசாமி கலை மற்றும் அறிவியல் கல்லூரியில் 2016,2017 மற்றும் 2018ம் ஆண்டில் பயின்ற இளங்கலை, முதுகலை மற்றும் முனைவர் பட்டம் பெற்ற மாணவர்கள் 700க்கும் மேற்பட்டவர்களுக்கான பட்டமளிப்பு விழா கல்லூரி வளாகத்தில் நடைபெற்றது.
இவ்விழாவிற்கு கல்லூரி செயலர் ஆயர். டேவிட் பர்னாபஸ் தலைமை தாங்கினார். கல்லூரி முதல்வர் டாக்டர்.ஜெமிமா வின்ஸ்டன் ஆண்டறிக்கையை வாசித்தார்.
இவ்விழாவில் சிறப்பு விருந்தினராக
பண்டித் தீனதயாள் எனர்ஜி பல்கலைக்கழக (குஜராத்) துணை வேந்தர் டாக்டர். சுந்தர் மனோகரன் கலந்து கொண்டு மாணவர்கள் மத்தியில் உரையாற்றினார்.
அப்போது பேசிய அவர்,
இது உங்கள் வாழ்க்கையில் சாதாரண நிகழ்வோ நொடிகளோ அல்ல.இது ஒரு அசாதாரண நிகழ்வு.இன்று பட்டம் பெரும் ஒவ்வொருவரையும் நான் மில்லினர் என்று அழைப்பேன். ஏனெனில் 1.4 பில்லியன் மக்களில் நீங்கள் மில்லினியராக தெரிகிறீர்கள்.உங்கள் சாதனை உங்களுக்கு மட்டுமில்லாமல் மற்றவர்களுக்கும் பயனுள்ளதாக இருக்க வேண்டும்.நீங்கள் ஒவ்வொருவரும் தனித்துவம் வாய்ந்தவர்கள்.சாதாரண வாழ்க்கையை குறிக்கோளாக வைக்காதீர்கள். உங்கள் வாழ்க்கையில் நீங்கள் அடைகின்ற ஒவ்வொரு படியும் பலருடைய வாழ்வை மாற்றக்கூடிய திறன் உள்ளது என்றார்.
சி.எஸ்.ஐ கோவை தென் இந்திய திருமண்டல பேராயர் மற்றும் பிஷப் அப்பாசாமி கலை அறிவியல் கல்லூரியின் தலைவர் பிஷப் திமோத்தி ரவீந்தர் பட்டம் பெற்ற மாணவர்களுக்கு வாழ்த்துக்களை தெரிவித்தார்.
இவ்விழாவில், கல்லூரி பேராசிரியர்கள், மாணவர்கள் மற்றும் பெற்றோர்கள் உள்ளிட்ட பலர் கலந்து கொண்டனர்.
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
மல்டி அசெட் அலோகேஷன் ஃபண்ட் குரோ மியூச்சுவல் ஃபண்ட் நிறுவனம் அறிமுகம்
பிரபல கிரிக்கெட் வீரர் ஜான்டி ரோட்ஸ் நடித்துள்ள ‘கேஷ்பேக் கேட்சர்’புதிய விளம்பரம்: சூப்பர்.மணி அறிமுகம்
6 மாநிலங்களில் களைகட்டிய ஈஷா கிராமோத்சவம் இரண்டாம் கட்டப் போட்டிகள் -பெங்களூருவில் சத்குருவுடன் ராபின் உத்தப்பா பங்கேற்பு
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
For English News
