February 1, 2021 
தண்டோரா குழு
கோவையில் சிலம்பம் கலை குறித்து விழிப்புணர்வு ஏற்படுத்தும் விதமாக ஆர்.ஜி.ஏ.அகாடமியை சேர்ந்த 72 மாணவ,மாணவியர் தொடர்ந்து 72 நிமிடம்,72 நொடிகள் சிலம்பம் சுற்றி சாதனை படைத்துள்ளனர்.
கோவை ஆர்.ஜி.ஏ.பயிற்சி மையம் சார்பாக அரசு மற்றும் தனியார் பள்ளி மாணவ, மாணவிகளுக்கு சிலம்பம் உட்பட தற்காப்பு கலைகளை கடந்த ஐந்து வருடங்களாக இலவசமாக பயிற்சி அளித்து வருகின்றனர்.
இந்நிலையில் சிலம்பம் கலையை மாணவ, மாணவிகளிடையே கொண்டு சேர்க்கும் விதமாக இந்த மையத்தை சேர்ந்த பயிற்சியாளர்கள் ஆறுமுகம், கோவிந்தராஜ்,சேகர் மற்றும் நந்தகுமார் ஆகியோரின் தீவிர முயற்சியில், சிலம்பம் விளையாட்டிற்கு உரிய அங்கீகாரம் கிடைக்க வேண்டி,72 மாணவ,மாணவியர்கள் இணைந்து 72 நிமிடங்கள் 72 நொடிகள் தொடர்ந்து சிலம்பம் சுற்றி உலக சாதனை முயற்சியில் ஈடுபட்டனர்.
கோவை பீளமேடு புதூர்,கருணாநிதி நகரில் நடைபெற்ற இந்த சாதனை நிகழ்ச்சியை, ஆர்.ஜி.ஏ.தற்காப்பு கலைகள் இலவச அகாடமி மற்றும் கிராமிய புதல்வன் அகாடமி ஆகியவை இணைந்து நடத்தின.இதில் அரசு மற்றும் தனியார் பள்ளிகளைச் சேர்ந்த நான்கு வயது முதல் துவங்கி 18 வயது வரையிலான மாணவ, மாணவிகள் கலந்து கொண்டு தங்கள் திறமைகளை வெளிப்படுத்தினர். பாரம்பரிய சிலம்ப கலையை மீட்டெடுக்கும் விதமாக பள்ளி மாணவ-மாணவிகள் இந்த சாதனை ஃபீனிக்ஸ் புக் ஆப் வேர்ல்டு ரெக்கார்டு சாதனை புத்தகத்தில் இடம் பெற்றது.சாதனை நிகழ்ச்சியில் பங்கேற்ற மாணவ மாணவிகளுக்கு கிராமிய புதல்வன் அகாடமியின் தலைவரும்,ஃபீனிக்ஸ் புக் ஆப் வேர்ல்டு ரெக்கார்டு புத்தகத்தின் நிறுவனருமான டாக்டர் கலையரசன் சான்றிதழ்களும், பரிசுகளும் வழங்கி பாராட்டினார்.நிகழ்ச்சியில் அழகரசன், உட்பட பலர் கலந்து கொண்டனர்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
