January 9, 2021 
தண்டோரா குழு
சட்ட மன்ற தேர்தலையொட்டி கோவையில் 4,500 வாக்குச்சாவடி மையங்கள் அமைக்க திட்டமிடப்பட்டு வருவதாக ஆட்சியர் ராஜாமணி தெரிவித்து உள்ளார்.
இதுகுறித்து ஆட்சியர் ராஜாமணி கூறியதாவது:
இந்திய தேர்தல் ஆணையத்தின் வழிக்காட்டுதலின்படி அந்தந்த மாவட்டத்திற்குள் உள்ள மத்திய மாநில அரசு, உள்ளாட்சி துறையின சார்ந்த பணியாளர்களை தேர்தல் பணிக்காக பணி அமர்த்தப்பட வேண்டும். அதற்காக மத்திய மாநில அரசுப் பணியாளர்கள், அரசின் கட்டுப்பாட்டில் உள்ள உள்ளாட்சி துறைகளில் பணிபுரிபவர்களின் விவரங்களை முன்கூட்டியே பெற்று தகுதியான பணியாளர்களை தேர்தல் பணியில் பணியமர்த்திட அனைத்து நிலை அலுவலர்களின், அந்தந்த துறை தலைவர்கள் மூலமாக கலெக்டருக்கு அனுப்பி வைத்திட வேண்டும்.
இதில் மத்திய அரசில் பணிபுரியும் சில பணியாளர்கள், நுண்பார்வையாளர்களாக (மைக்ரோ அப்சர்வர்) பணியமர்த்தப்படுவர். தற்போது வரை 10,764 மத்திய, மாநில அரசு மற்றும் உள்ளாட்சி துறை பணியாளர்கள் விவரங்கள் பெறப்பட்டுள்ளன.கோவை மாவட்டத்தில் தற்போது 3,048 மொத்த வாக்குச் சாவடி மையங்கள் உள்ளன. ஆனால் கொரோனா அச்சம் காரணமாக கூடுதல் வாக்குச்சாவடி மையங்கள் உருவாக்கப்பட உள்ளன. எனவே புதியதாக உருவாக்கப்படவுள்ள உத்தேச வாக்குச் நிலையங்களையும் சேர்த்து மொத்தம் 4,500 வாக்குச் சாவடி மையங்கள் வருகிற சட்ட மன்ற தேர்தலில் அமைக்கப்பட உள்ளன. எனவே மத்திய, மாநில அரசு அலுவலகங்கள், அரசுதுறை சார்ந்த அலுவலர்கள், அரசு மற்றும் அரசு உதவி பெறும் பள்ளிகள், கல்லூரிகள், பல்கலைகழகங்களில் பணிபுரியும் அனைத்து ஆசிரியர்கள் மற்றும் பணியாளர்களின் விபரங்கள் எவ்வித விடுபாடுகளின்றி மேற்படி துறைகள், நிறுவனங்கள் தலைவர்கள் மூலம் அனுப்பி வைக்கப்பட வேண்டும்.
இவ்வாறு அவர் கூறினார்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
