September 11, 2017 
தண்டோரா குழு
ஸ்மார்ட் சிட்டி திட்டத்தின் கீழ் (smart city innovation lab) ஆய்வகம் கோவையில் நிறுவ கோவை மாநகராட்சி சார்பில் ஜெர்மன் நாட்டின் பிரான்ஹோஃபர் பொறியியல் ஆராய்ச்சி நிறுவனத்துடன் புரிந்துணர்வு ஒப்பந்தம் இன்று தலைமை செயலகத்தில் கையெழுத்திடப்பட்டது.
மத்திய அரசின் ஸ்மார்ட் சிட்டி மிஷன் திட்டத்தில் கோயம்புத்தூர் மாநகராட்சி தேர்வுசெய்யப்பட்டதிலிருந்து மாநகராட்சி சார்பாக பல்வேறு முயற்சிகள் மேற்கொள்ளப்பட்டு வருகிறது.
இத்திட்டத்தின் கீழ் கோயம்புத்தூர் மாநகராட்சியும்,ஜெர்மனி நாட்டின் ஸ்டுட்கார்ட் நகரிலுள்ளபிரான் ஹோஃபர் பொறியியல் ஆராய்ச்சி நிறுவனமும் இணைந்து ஸ்மார்ட் சிட்டி திட்டத்தின் கீழ் புதுமையானகண்டுபிடிப்புகளுக்கான ஆய்வகம் (smart city innovation lab) நிறுவ தமிழக அரசு கடந்த ஜூலை 04-ம் தேதி அனுமதி வழங்கியது.
இதனைத்தொடர்ந்து இன்று தலைமைச் செயலகத்தில், நகராட்சி நிர்வாகம், ஊரக வளர்ச்சி மற்றும் சிறப்பு திட்டங்கள் செயலாக்கத்துறை அமைச்சர் எஸ்.பி.வேலுமணி முன்னிலையில், கோவை மாநகராட்சி ஆணையாளர் க.விஜயகார்த்திகேயனும் ஜெர்மன் நாட்டின் ஸ்டுட்கார்ட் நகரிலுள்ள பிரான்ஹோஃபர் பொறியியல் ஆராய்ச்சி நிறுவனம் சார்பில் அதன் இந்திய நாட்டின் இயக்குநர் ஆனந்தியும் ஆய்வகம் தொடர்பான புரிந்துணர்வு ஒப்பந்தத்தில் கையெழுத்திட்டனர்.
இந்த ஆய்வகம், ஸ்மார்ட் சிட்டி மிஷன் திட்டத்தின் கீழ் தேர்வு செய்யப்பட்ட மற்றநகரங்களை பங்குபெற செய்வதுடன் ஸ்மார்ட் சிட்டி மிஷன் திட்டம் தொடர்பான கலந்துரையாடல்களுக்கு மிகவும் உதவியாக இருக்கும். மேலும், இந்திய – ஜெர்மனி ஆகிய இருநாடுகளுக்கு இடையே ஒத்துழைப்பு மற்றும் அறிவு பரிமாற்றத்திற்கு மிகவும் உதவியாக இருக்கும்.
இத்திட்டத்தின் மூலம் கோவை மாநகரத்திற்கு மேலாண்மை, முதலீட்டுத் திட்டம் மற்றும்அலுவலர்களுக்கான பயிற்சி,திறன் வளர்ப்பு திட்டங்கள் மூன்று ஆண்டுகளில் மேற்கொள்ளப்படும்.இந்நிகழ்ச்சியில் நகராட்சி நிர்வாகம் மற்றும் குடிநீர் வழங்கல் துறை முதன்மைச் செயலாளர்ஹர்மந்தர் சிங், சென்னையில் உள்ள ஜெர்மன் நாட்டின் தூதுவர்அகிங் பேபிக் , நகராட்சி நிர்வாக ஆணையர் கோ.பிரகாஷ்மற்றும் அரசு உயர் அலுவலர்கள் கலந்து கொண்டனர்.
6 மாநிலங்களில் களைகட்டிய ஈஷா கிராமோத்சவம் இரண்டாம் கட்டப் போட்டிகள் -பெங்களூருவில் சத்குருவுடன் ராபின் உத்தப்பா பங்கேற்பு
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
For English News
