May 23, 2022 
தண்டோரா குழு
கோவையில் நடைபெற்ற திருமண விழாவில் ப்ரிஜ் மற்றும் தக்காளியை மணமக்களுக்கு விஜய் மக்கள் இயக்கம் தெற்கு நகர இளைஞரயினர் வழங்கி அசத்தியுள்ளனர்.
கோவை மாவட்ட விஜய் மக்கள் இயக்கத்தின் தெற்கு நகர இளைஞரணி பொருளாளராக இருப்பவர் இரும்பு கடை அக்கீம்.இவரது மகள் அப்சாநாவிற்கும் ஹாரிஸ் என்பவருக்குமான திருமண நிகழ்ச்சி கோவை குணியமுத்தூர் ஐ.ஜே.திருமண மண்டபத்தில் நடைபெற்றது.
இவ்விழாவில் விஜய் மக்கள் இயக்கத்தின் மாவட்ட இளைஞரணி தலைவர் விஜய் யுவராஜ் , தெற்கு நகர இளைஞரணி தலைவர் பைசல், செயலாளர் முகம்மது அலி,சமூக ஆர்வலர் என்றும் மக்கள் பணியில் இந்தியன் வுட்ஸ் குப்புராஜ்,கவுரவ தலைவர் ராம்குமார் மற்றும் செயலாளர் உன்னி,பொறுப்பாளர் மணி மற்றும் தெற்கு நகர இளைஞரணி நிர்வாகிகள், சிவபாலன் ரமேஷ் சந்தோஷ் ஆஷிக் , மகேந்திரன் கார்த்திக் மெர்சல் செந்தில், நாகராஜன்,பாலமுருகன், குமார் உட்பட விஜய் மக்கள் இயக்க மாவட்ட பொறுப்பாளர்கள் பலர் கலந்து கொண்டனர்.
இதில் கலந்து கொண்ட விஜய் மக்கள் இயக்க இளைஞரணி நிர்வாகிகள் திடீரென மணமக்களுக்கு தக்காளி மற்றும் ப்ரிஜ் ஆகிய பரிசுகளை வழங்கி ஆச்சரியப்படுத்தினர்.இதனை சற்றும் எதிர்பார்க்காத மணமக்களும் அங்கு கூடியிருந்தவர்களும் வியப்பின் உச்சிக்கு சென்றனர்.இந்நிலையில் இதுவரை இல்லாத அளவிற்கு தக்காளியின் விலை உயர்ந்துள்ள நிலையில் மணமக்களுக்கு தக்காளியை பரிசாக வழங்கிய வீடியோ தற்போது பெரும் வைரலாகி வருகிறது.
ஏற்கனவே கடந்த முறை தக்காளி விலை உயர்வின் போதும் விஜய் ரசிகர்கள் இதே போல மணவிழாவில் தக்காளி பரிசு வழங்கியது குறிப்பிடதக்கது.
For English News
