August 21, 2023 
தண்டோரா குழு
கோவை மாவட்ட ஆட்சியர் கிராந்திகுமார் பாடி கூறியிருப்பதாவது:-
தமிழகத்தில் அரசு பள்ளிகளில் பயிலும் மாணவிகளின் உயர்கல்வி சேர்க்கையினை அதிகரிக்கும் பொருட்டு, சமூக நலன் மற்றும் மகளிர் உரிமைத்துறை சார்பில் மூவலூர் இராமாமிர்தம் அம்மையார் உயர்கல்வி உறுதித் திட்டத்தின் கீழ், அரசுப் பள்ளிகளில் 6 முதல் 12-ஆம் வகுப்பு வரை பயின்று உயர்கல்வி பயிலும் மாணவிகளுக்கு மாதம் ரூ.1000 -உதவித்தொகை வழங்கும் புதுமைப் பெண் திட்டம் முதலமைச்சரால் முதற்கட்டமாக 05.09.2022 அன்றும், இரண்டாம் கட்டமாக 08.02.2023 அன்றும் தொடங்கி வைக்கப்பட்டது.
மாணவிகள் 6ஆம் வகுப்பு முதல் 12ஆம் வகுப்பு வரை தமிழ்நாட்டில் உள்ள அரசுப் பள்ளிகளில் படித்து தமிழ்நாட்டில் உயர்கல்வி பயில்பவராக இருத்தல் வேண்டும், தனியார் பள்ளியில் ஆர்.டி.இ.,யின் கீழ் 6 ஆம் வகுப்பு முதல் 8 ஆம் வகுப்பு வரை பயின்ற பின் 9 ஆம் வகுப்பு முதல் 12 ஆம் வகுப்பு வரை அரசுப் பள்ளியில் படித்த மாணவியர் இத்திட்டத்தில் பயன்பெறலாம்.
கோவை மாவட்டத்தில் புதுமைப்பெண் திட்டத்தின் முதற்கட்டத்தில் 2959 உயர்கல்வி பயிலும் மாணவிகளும், இரண்டாம் கட்டத்தில் 4005 உயர்கல்வி பயிலும் மாணவிகளும் என மொத்தம் 6964 மாணவிகள் மூவலுார் இராமாமிர்தம் அம்மையார் நினைவு புதுமைப் பெண் திட்டத்தின் கீழ் மாதம் ரூ.1000 உதவித்தொகை பெற்று பயனடைந்து வருகின்றனர் .
மேலும், இரண்டு பெண் குழந்தைகள் பாதுகாப்புத் திட்டத்தின்கீழ் சமூகநலத்துறையின் சார்பில் கடந்த 2021 – 2022 ஆம் நிதியாண்டில் 1236 பயனாளிகளுக்கு தலா ரூ.25000 வீதம் ரூ. 3.09 கோடி மதிப்பிலும், 2022 – 2023 ஆம் நிதியாண்டில் 1298 பயனாளிகளுக்கு தலா ரூ.25,000 வீதம் ரூ.3.24 கோடி மதிப்பிலும் என மொத்தம் 2534 பயனாளிகளுக்கு ரூ.6.33 கோடி மதிப்பில் வைப்பு நிதிப் பத்திரங்கள் வழங்கப்பட்டுள்ளது.
இவ்வாறு அவர் கூறியுள்ளார்.
—
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
