ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

கோவையில் நடைபெற்ற 4வது தேசிய பாரா த்ரோபால் சாம்பியன்ஷிப் போட்டி ஆந்திர அணி வெற்றி

August 31, 2025

தண்டோரா குழு

ரோட்டரி கிளப் ஆஃப் கோயம்புத்தூர் டவுன்டவுன், தமிழ்நாடு பாரா த்ரோபால் சங்கம், இந்திய, ஆசிய மற்றும் உலக பாரா த்ரோபால் கூட்டமைப்புகள் ஆகியவை இணைந்து ஆண்கள் மற்றும் பெண்கள் பங்கேற்ற 4-வது தேசிய பாரா த்ரோபால் சாம்பியன்ஷிப் போட்டிகள் கோவையில் 29ம் தேதி தொடங்கியது.

“இயலாமைக்கு அப்பாற்பட்ட திறன் – விளையாட்டு மூலம் சேவைக்கு ஒரு அஞ்சலி” என்ற கருப்பொருளில் கோவை சரவணம்பட்டி ரூபி மெட்ரிக் மேல்நிலைப் பள்ளியில் போட்டிகள் நடைபெற்றது.

இந்த சாம்பியன்ஷிப், மறைந்த டாக்டர் பி. கிருஷ்ணானந்தாவுக்கு அஞ்சலி செலுத்தும் வகையில் நடத்தப்பட்டது.ஆண்கள் மற்றும் பெண்களுக்கான போட்டியில், 12 மாநிலங்களைச் சேர்ந்த 350-க்கும் மேற்பட்ட வீரர்கள் வீராங்கனைகள் பங்கேற்றனர். ஜம்மு & காஷ்மீர், உத்தரகண்ட், ஆந்திரா, பீகார், ஹரியானா, ஜார்கண்ட், கர்நாடகா, பாண்டிச்சேரி, ராஜஸ்தான், தமிழ்நாடு, தெலுங்கானா, உத்தரபிரதேசம் ஆகிய அணிகள் கலந்து கொண்டன. தமிழ்நாட்டில் நடத்தப்பட்ட மிகப்பெரிய பாரா த்ரோபால் போட்டிகளில் இதுவும் ஒன்று.

இதில், ஆண்கள் போட்டியில் ஆந்திர அணியும், பெண்கள் போட்டியில் கர்நாடக அணியும் வெற்றி பெற்றன.மூன்று நாட்கள் கடுமையான போட்டிகளில் வீரர்கள் தங்கள் மன உறுதி, குழுப் பணி, திறமையை வெளிப்படுத்தினர். வெற்றி பெற்ற அணிகளுக்கு கோப்பை, பதக்கம் மற்றும் சான்றிதழ்கள் வழங்கப்பட்டன.

நிறைவு விழாவில் திட்டத் தலைவர் மற்றும் RI மாவட்டம் 3206 உறுப்பினர் தலைவர் Rtn. MD A. காட்வின் மரியா விசுவாசம், “மாற்றுத்திறனாளிகளின திறமைக்கு எந்த குறைபாடில்லை என்பதை நிரூபித்ததே இந்த சாம்பியன்ஷிப் மிகப்பெரிய வெற்றி” என்றார்.

தலைமை விருந்தினராக RI மாவட்டம் 3206 ரோட்டரி அறக்கட்டளைத் தலைவர் Rtn. PDG S. ராஜசேகர் கலந்து கொண்டு வீரர்களை வாழ்த்தினார். இந்நிகழ்வில் RI மாவட்டம் 3206 இயக்குநர் Rtn. MD K.K. சுக், உதவி ஆளுநர் Rtn. MPHF V. ராஜா மகேந்திரன், குழு ஆளுநரின் பிரதிநிதிகள் Rtn. MPHF M. பிரேம்குமார், Rtn. CRV ஸ்ரீநாத், ரோட்டரி கிளப் ஆஃப் கோயம்புத்தூர் டவுன்டவுன் தலைவர் Rtn. CRV ஸ்ரீநாத், செயலாளர் Rtn. S. விக்ரம் குமார் ஆகியோர் பங்கேற்றனர்.

சிறப்பு விருந்தினர்களாக டாக்டர் பாரதி கிருஷ்ண குமார், டாக்டர் வி. ஆல்பர்ட் பிரேம் குமார், டாக்டர் ஷரன், டாக்டர் சி. ஜெயபிரபா, . தினேஷ் குமார், திருமதி தீபா மோகன்ராஜ், ஸ்வர்ணலதா ஜே. உள்ளிட்டோர் கலந்து கொண்டனர்.

சில மாநிலங்களில் தொடங்கிய பாரா த்ரோபால், இன்று 20-க்கும் மேற்பட்ட மாநிலங்களிலும், 21 சர்வதேச நாடுகளிலும் பரவியுள்ளது. சமீபத்தில் இந்திய வீரர்கள் தாய்லாந்து மற்றும் ஆசிய போட்டிகளில் பதக்கம் வென்று சாதனை படைத்தனர். விளையாட்டு ஒதுக்கீட்டின் கீழ் வேலைவாய்ப்பு வழங்கியதற்கு வீரர்கள் அரசுக்கு நன்றி தெரிவித்தனர்.

கோவையில் நடைபெற்ற 4வது தேசிய பாரா த்ரோபால் சாம்பியன்ஷிப் போட்டி ஆந்திர அணி வெற்றி

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்