January 12, 2022 
தண்டோரா குழு
கோவையில் ஜல்லிக்கட்டு குழுவினருடன் ஆட்சியர் ஆலோசனை நடத்தியுள்ள நிலையில், நாளை அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
கோவையில் கடந்த 9ம் தேதி ஜல்லிக்கட்டு நடைபெறுவதற்கான முன்னேற்பாடுகள் தீவிரமாக நடைபெற்று வந்த நிலையில், கொரோனா கட்டுப்பாடுகள் காரணமாக தேதி குறிப்பிடாமல் போட்டிகள் ஒத்திவைக்கப்பட்டது.
இந்நிலையில் தமிழக அரசு, ஜல்லிக்கட்டு போட்டிகளை நடத்துவதற்கான வழிகாட்டு நெறிமுறைகளை வெளியிட்டது. இதையடுத்து, கோவையிலும் ஜல்லிக்கட்டு போட்டிகள் நடைபெறுமா என்ற எதிர்பார்ப்பு எழுந்தது. இந்நிலையில், கோவை மாவட்ட ஜல்லிக்கட்டு குழுவினர் இன்று மாவட்ட ஆட்சியர் ஜி.எஸ்.சமீரனுடன் ஆலோசனை மேற்கொண்டனர்.
மாவட்ட காவல்துறை தலைவர் செல்வநாகரத்தினம்,மாவட்ட உயர் அதிகாரிகள், கோவை மாவட்ட ஜல்லிக்கட்டு பேரவை தலைவர் மருதமலை சேனாதிபதி மற்றும் நிர்வாகிகள் பங்கேற்றனர். இதில் அரசு அறிவித்துள்ள நெறிமுறைகளின்படி போட்டிகளை நடத்த வேண்டும் என ஆட்சியர் அறிவுறுத்தினார்.
இதையடுத்து, நாளை, செட்டிபாளையத்தில் உள்ள ஜல்லிக்கட்டு நடைபெறும் மைதானத்தை ஆய்வு செய்த பின்னர் போட்டிகள் நடைபெறும் தேதி அறிவிக்கப்படும் என எதிர்பார்க்கப்படுகிறது.
கேஎம்சிஹெச் மருத்துவமனை சார்பில் கோவை வீரியம்பாளையத்தில் 2.18 கோடி மதிப்பீட்டில் புதிய மாநகராட்சி நடுநிலைப்பள்ளி கட்டிடம் திறப்பு !
கோவையில் யூனியன் பேங்க் ஆப் இந்தியா 107வது நிறுவன தினவிழா கொண்டாட்டம்
நிதியாண்டு 26 இன் முதலாம் அரையாண்டில் ரூபாய்.113.88 கோடி ஒருங்கிணைந்த வரிக்குப் பிந்தைய லாபம் பிரிகோல் நிறுவனம் அறிவிப்பு
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
For English News
