June 6, 2021 
தண்டோரா குழு
கோவையில் இருசக்கர வாகனம் மூலம் இலவச ஆக்ஸிஜன் சிலிண்டர் வினியோக திட்டத்தை மேற்கு மண்டல காவல்துறை தலைவர் சுதாகர் துவக்கி வைத்தார்.
இந்தியாவில் கொரோனா தொற்று பரவி வரும் சூழலில் பாலிவுட் நடிகர் சோனு சூட் பல்வேறு உதவிகளை செய்து வருகிறார். இதற்காக சோனு சூட் பவுண்டேசன் அறக்கட்டளை உருவாக்கி பல்வேறு உதவிகளை செய்து வருகிறார்.
இந்நிலையில்,இன்று கோவை சீராபாளையம் பகுதியில் உள்ள வேதாந்தா அகாடமி கல்லூரியில் சோனு சூட் பவுண்டேசன் அறக்கட்டளை சார்பாக நோய் தொற்று தீவிர சிகிச்சை பிரிவில் உள்ளவர்களுக்கு தேவைப்படும் ஆக்சிஜனை இலவசமாக இருசக்கர வாகனத்தில் சென்று கொடுக்கும் திட்டத்தை மேற்கு மண்டல காவல்துறைத் தலைவர் சுதாகர் துவக்கி வைத்தார்.
குறிப்பாக இந்த அறக்கட்டளை கர்நாடக மாநிலத்தின் அனைத்துப் பகுதிகளிலும் நோய்த்தொற்று பாதிக்கப்பட்டவர்களுக்கு இலவசமாக இருசக்கர வாகனத்தில் ஆக்ஸிஜன் சிலிண்டர்களை கொடுத்து உதவி வருவது குறிப்பிடத்தக்கது.
இந்திட்டத்தை துவக்கி வைத்து பேசிய மேற்கு மண்டல காவல்துறைத் தலைவர் சுதாகர் ,
ஆக்சிஜன் சிலிண்டர் தேவை தமிழ் நாட்டில் அதிகரித்து உள்ளது. தற்போது இந்த வைரஸ் தொற்று பாதிக்கப்பட்டவர்களுக்கு இலவசமாக இருசக்கர வாகனம் மூலம் ஆக்ஸிஜன் சிலிண்டர்களை அவர்களுடைய இடத்திற்கே சென்று கொடுக்கும் பணியை இந்த அறக்கட்டளை செய்து வருகிறது. தமிழகத்திலேயே முதல் முறையாக கோவையில் இருசக்கர வாகனங்கள் மூலம் ஆக்சிஜன் சிலிண்டர் இலவசமாக கொடுக்கும் பணியை இன்று தொடங்கி வைத்துள்ளேன். மேலும் இதை படிப்படியாக அதிகப்படுத்த திட்டமிட்டுள்ளோம் என்றார்.
இந்நிகழ்வில், ஸ்வாக் எர்ட் அண்ட் சூட் பவுண்டேஷனை சேர்ந்த அமித் புரோஹித், அஞ்சய் பிரதாப் சிங், பப்பீஸ் குழுமத்தின் தலைவர் சிவகுமார், ஆபீஸ் கட்டமைப்பின் இயக்குனர் ஹரி ஹரசுதன் ஆகியோர் கலந்து கொண்டனர்.நடிகர் சோனு சூட் காணொளி காட்சி மூலம் கலந்து கொண்டார்.
கோவையில் ஆக்சிஜன் தேவை மற்றும் விநியோகம், போக்குவரத்தை பப்பீஸ்அடிப்படை கட்டடமைப்பு மேற்கொள்கிறது. சோனு சூட்டின் ஸ்வாக் எர்ட் கோவையில் பல்வேறு இடங்களில் உடனடியாக ஆக்சிஜன் தேவைப்படுவோருக்கும் மருத்துவமனைகளுக்கும் தீவிர சிகிச்சை முகாம்களுக்கும் உதவிகிறது. அவசர தேவைக்கு சோனு சூட்டின் கோவை உதவி மையத்தை 7069999961 என்ற எண்ணில் தொடர்பு கொள்ளலாம்.
கேஎம்சிஹெச் மருத்துவமனை சார்பில் கோவை வீரியம்பாளையத்தில் 2.18 கோடி மதிப்பீட்டில் புதிய மாநகராட்சி நடுநிலைப்பள்ளி கட்டிடம் திறப்பு !
கோவையில் யூனியன் பேங்க் ஆப் இந்தியா 107வது நிறுவன தினவிழா கொண்டாட்டம்
நிதியாண்டு 26 இன் முதலாம் அரையாண்டில் ரூபாய்.113.88 கோடி ஒருங்கிணைந்த வரிக்குப் பிந்தைய லாபம் பிரிகோல் நிறுவனம் அறிவிப்பு
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
For English News
