January 16, 2020 
தண்டோரா குழு
கோவையில் நடைபெற்ற திருவள்ளுவர் தின விழாவில் குழந்தைகளுடன் திருவள்ளுவர் தினத்தை வெளிநாட்டு மாணவர்கள் கொண்டாடினர்.
கோவை மக்கள் சேவை மையம் மற்றும் ரோட்டரி கிளப் ஆப் கோயமுத்தூர் மேற்கு இணைந்து திருவள்ளுவர் தின திருவிழாவை நடத்தின. “திருக்குறளை சேமிப்போம்” என்ற தலைப்பில் நடந்த நிகழ்ச்சிக்கு பாரதிய ஜனதா கட்சியின் மாநில பொதுச்செயலாளர் வானதி சீனிவாசன் சிறப்பு விருந்தினராக கலந்து கொண்டார். ரோட்டரி கிளப் ஆப் கோயமுத்தூர் மேற்கு தலைவர் ஜெயகாந்தன், செயலாளர் ராஜேந்திரன் ஆகியோர் கலந்துக்கொண்டனர்
இந்த நிகழ்ச்சியில் 50 க்கும் மேற்பட்ட குழந்தைகள் கலந்துக்கொண்டு திருக்குறளை கூறி அசத்தினர். பின்னர் அனைத்து குழந்தைகளுக்கும் உண்டியல் பரிசாக வழங்கப்பட்டது.
நிகழ்ச்சியில் பேசிய வானதி சீனிவாசன்,
திருக்குறள் தமிழர்களின் அடையாளம். வாழ்க்கைக்கு தேவையான அனைத்தும் திருக்குறளில் உள்ளது. சமஸ்கிருதத்தை விட மிக பழமையான மொழி தமிழ் என்று நம் பாரத பிரதமரே கூறியுள்ளார். மேலும் தமிழை கற்க ஆர்வமாக உள்ளதாக பிரதமர் கூறியிருக்கிறார். தாய் மொழி கண்களை போன்றது. மற்ற மொழிகள் கண்ணாடி போன்றது. தாய் மொழியின் பெருமையை பெற்றோர் கற்று தர வேண்டும். குழந்தைகளுக்கு வாழ்க்கையில் நேர்மையை கற்றுக்கொடுங்கள் என்றார்.
இந்த நிகழ்ச்சியில் ஜெர்மன் மற்றும் பிரேசிலை சேர்ந்த மாணவர்கள் ஜூலியன், பவுத்திசான், கிளாஸ் ஆகியோர் திருக்குறள் கூறி வானதி சீனிவாசனிடம் இருந்து உண்டியலை பரிசாக பெற்றனர்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
